Overlevering av Kierulf-utvalet sin rapport utsett

På tampen av juli i fjor sette Kunnskapsdepartementet ned ei ekspertgruppe på seks, med Anine Kierulf i spissen, som skulle sjå på kåra til den akademiske ytringsfridomen.

Måndag skulle utvalet etter planen legge fram si utgreiing og kome med ei rekke forslag.

Framlegginga er no utsett, opplyser Kunnskapsdepartementet.

Det skjer grunna sjukdom, får Khrono opplyst. Departementet vil kome med ein ny dato snarast råd.

Dette er mandatet

Utvalet har sett på korleis ein kan styrke den akademiske ytringsfridomen til dei forskarar og akademikarar og korleis vi som samfunn, men også institusjonane dei jobbar ved, kan verne og støtte opp om denne fridomen.

Blant tiltaka utvalet vil foreslå, vil det vere endringar i universitets- og høgskulelova (UH-lova).

I mandatet står det mellom anna at utvalet skal vurdere om, og i så fall korleis, lova bør endrast for å tydeleggjere dei tilsette sin akademiske ytringsfridom.

Det står også at dei skal vurdere om det trengst ytterlegare regulering av forholdet mellom ytringsfridom, akademisk fridom og dei tilsette og arbeidsgjevar sitt ansvar, for eksempel etter arbeidsmiljølova.

akademisk frihet

Kierulf: «Den kollegiale småligheten» er en trussel mot akademisk ytringsfrihet