Statsbygg rådgir statlege verksemder

Denne teksten er et debatt­inn­legg. Inn­holdet i teksten uttrykker forfatterens egen mening.

Hege Njaa Aschim

Kommunikasjons-direktør i Statsbygg

I eit innlegg i Khrono 13. juli spør Håvard Teigen om Statsbygg har fått som samfunnsoppdrag å omlokalisere store delar av universitets- og høgskulesektoren. Svaret på det er nei.

• Les også: For sterkt fokus på nybygg fremfor kvalitet

Statsbyggs samfunnsoppdrag er å vere rådgivar for statlege verksemder i bygge- og eigedomssaker. Vi skal gi råd om korleis ein statleg aktørs nye eller endra behov for lokale best kan løysast gjennom ombygging eller tilbygg til eksisterande bygningar, nybygg eller leige i den private marknaden. Vi gjennomfører konseptvalsutgreiinger som viser kva samfunnøkonomisk perspektiv alternativa har.

les også

Lillehammer baklengs inn i fremtiden?

Statsbygg er ein forvaltningsbedrift underlagt Kommunal- og distriktsdepartementet og har ingen privatkapitalistisk mål for verksemda si. I rådgivinga vår legger vi vekt på å forstå leigetakaranes og brukaranes ønsker og framtidige behov og korleis lokala kan legge til rette for deira mål for verksemda.

Når det gjeld lokalisering følger Statsbygg statlege planretningslinjer for samordna bustad-, areal- og transportplanlegging der det heiter at:

«Utbyggingsmønster og transportsystem bør fremje utvikling av kompakte byar og tettstadar, redusere transportbehovet og legge til rette for klima- og miljøvennlege transportformer. I samsvar med klimaforliket er det eit mål at veksten i persontransporten i storbyområda skal takast med kollektivtransport, sykkel og gonge.»

• Les også: Midlene til desentral utdanning er fordelt. Disse får støtte

Følg fleire debattar i akademia på Khronos meiningsside