Lovund-modellen

Har teikna opp «framtidens distriktsskole» for politikarane

Lakseoppdrettar Aino Olaisen og resten av ressursgruppa for framtidsskulen samlar eit knippe politikarar til debatt i Bodø onsdag.

Aino Olaisen, eigar i oppdrettsselskapet Nova Sea på øya Lovund på Helgeland, står bak initiativet for framtidas distriktsskule, som ho håpar skal få politikarane til å tenke nytt om lærarutdanning, skule og distriktspolitikk .
Njord V. Svendsen
Tekst: Njord V. Svendsen
Publisert

OBS! Denne artikkelen er mer enn tre år gammel, og kan inneholde utdatert informasjon.

Ein uventa allianse av aksjonistar som kjempar for gjenoppliving av lærarutdanninga i Nesna på Helgeland og ein laksemilliardær frå den vesle øya Lovund: Initiativet for ein ny kurs i lærarutdanninga har vekt debatt, blant anna i Dag og Tid, etter at Khrono først publiserte professor Rune Slagstads kritiske teser om norsk utdanningspolitikk.

Onsdag blir rapporten som Olaisens ressursgruppe har arbeidd fram lansert som eit «forprosjekt» for vegen vidare.

Med seg rundt frukostbordet på arrangementet i Bodø har dei politikarane Bjørnar Skjæran (Ap), Mona Fagerås (SV), Trine Fagervik (Sp), Bård Ludvig Thorheim (H) og Edel Marie Haukland (KrF).

Diskusjonen om framtidas distriktsskule har gått rett inn i den nasjonale utdanningsdebatten i opptakta til stortingsvalet til hausten. Medan Sp, SV og Ap har erklært støtte til vidare liv i utdanninga på Nesna i ei eller anna form, har den noverande regjeringa lagt fram andre planar for sikre utdanning i heile landet.

— Vi håper politikarane har svar på utfordringane distrikta står overfor, og at dei vil ta med seg tiltaka frå forprosjektet vidare. Vi håper forprosjektet, basert på erfaringar frå Helgeland, kan bidra til utforming av skulepolitikken for distrikta i Noreg, seier Aina Olaisen.

I ressursgruppa, som saman med Olaisen har jobba med prosjektet, sit pedagogar frå Helgeland, og aksjonistar knytt til lærarutdanninga på Nesna. Eit mål med prosjektet, i tillegg til å «bidra til utforming av skolepolitikken for distriktene i Norge», er etablere ei lærarutdanning på Nesna frå 2022, særskilt innretta for å utdanne lærarar til dei små skulane i utkantar og distrikt.

Campus Nesna, som sidan 2016 har vore ein del av Nord universitet etter ein omstridd fusjon, er vedtatt nedlagt frå neste år.

Frukostseminaret i Bodø kan følgjast HER onsdag frå klokka 8.30

nyheter aino olaisen distriktspolitikk lovund-modellen lærerutdanning nesna utdanning
Har du lest disse?
Siste fra forsiden:

Nylige artikler

Mest leste artikler

Powered by Labrador CMS