Sommar i Khrono
Helge Holden: Manglar ei presis skildring av kva som er gale
Om ein ikkje veit kva som er problemet, nyttar det lite med «ekstrem oppussing», seier professoren i dagens sommarintervju.
Gjennom sommaren vil du bli kjend med folk i og rundt universiteta og høgskulane våre. I dag møter du Helge Holden. Holden er professor ved institutt for matematiske fag ved NTNU.
— Korleis vil du oppsummera arbeidsåret 2022-23?
— Det har vore eit anstrengande arbeidsår sidan eg ved årsskiftet avslutta åtte års arbeid som generalsekretær for den Internasjonale matematikkunionen, og deretter vart leiar for priskomiteen for Abelprisen.
— Kva vert den største utfordringa i året som kjem?
— Eg håpar at Forskingsrådet igjen kan verta ein føreseieleg aktør med gode og transparente saksbehandlingsrutinar. Og meir pengar til Fripro, takk.
— Kva er ditt forhold til sjølvplagiering?
— Med presis oppgjeving av kjelde kan ikkje dette vera eit problem. Men det er tydeleg at det trengst ein gjennomgang av gjeldande retningsliner her.
— Framlegg til ferielektyre?
— Lion Feuchtwangers «The Oppermanns». Romanen vart skriven i 1933, og er fortald gjennom ein jødisk familie i Tyskland. Han viser på ein skremmande måte kor lett eit liberalt demokrati kan forfalla.
— Kven fortener ei rose, og kven fortener ein kaktus?
— Jens Stoltenberg får rosa – måtte han halda fram som generalsekretær for Nato til krigen er over. Alle tidstjuvane som tek tida ifrå produktivt arbeid i akademia fortener kaktus. Litt meir tillit, takk.
— Kva (er det beste) håpar du skal koma ut av den ekstreme oppussinga Ola Borten Moe har varsla for universiteta og høgskulane?
— Det som manglar, er ei presis skildring av kva som er gale. Når ein har den, kan ein vurdera framlegga til endringar. Utan ei slik skildring er det uråd å ha ei meining.
Nyeste artikler
Det blir mange ledige studieplasser i lærerutdanningene
Trumps visepresident langer ut mot universitetene
Går av tre år før tiden. Vil bruke tiden så meningsfullt som mulig
Botanikarar vil luke ut krenkande plantenamn
Spionsiktet ville ha møte med departement for pengestøtte
Mest lest
Nynorskbastion får tyn. «Åtte språkfeil på tre setningar»
Her er Nordens beste universitet
Mange blir mer sårbare med ny finansiering. Hvordan skal utslagene fordeles?
Dro inn 150 millioner i 2023 på studenter som henne
— Sensorene må være med å definere grensa for stryk