styremøte
Vurderer kveldsundervisning i Volda
Leige av lokale og undervisning på kvelden er noko av det Høgskulen i Volda vurderer for å få til fysisk undervisning til hausten. Sjå styremøtet direkte her.
Kapasiteten i undervisningslokala vert førti prosent lågare enn før dersom ein må halda ein meters avstand, har Høgskulen i Volda rekna ut. Når dei har styremøte torsdag, skal dei mellom anna diskutera haustsemesteret.
Det er ein stor kabal som skal leggast, heiter det, og vidare:«Det vi veit er at vi framleis må ha mykje undervisning digitalt. Vi må vurdere om vi kan leige store lokale utanfor høgskuleområdet, og det kan bli aktuelt med kveldsundervisning. Vi vil ikkje prioritere å legge store arrangement som utdanningsdagane, karrieredagane eller forskingsdagane til høgskuleområdet. Karrieredagane og utdanningsdagane blir digitale.»
Både kveldsundervisning og leige av lokale er noko andre institusjonar òg diskuterer, for å kunne tilby mest mogleg undervisning på campus.
Les også: Ingen sier tvert nei til kveldsundervisning
Ikkje berre nettundervisning
I styrepapira heiter det at då høgskulen stengde 12.mars, var mykje av både fysisk undervisning og praksis for vårsemesteret gjennomført. Dersom det vert mykje digital undervisning til hausten òg, vert konsekvensane større, særleg for dei faga som har mykje praksis.
— I den fysiske undervisninga til hausten ønskjer kriseleiinga å prioritera førsteårsstudentar, heiter det, men det lagt vekt på at også andre studentar skal få noko undervisning på campus - og at ingen andre enn dei som er reine nettstudentar berre skal ha nettundervisning.
Møtestart klokka
Blant andre saker på lista er ei sak om sjukefråvær, som Khrono allereie har skrive om, utvikling av toppkompetanse og framtidig økonomisk situasjon. Møtet ser du direkte her:
Orienteringssaker
3/20 - Revidert årshjul høgskulestyret
