UKRAINA
Stipendordning for ukrainske studentar held fram
Ukrainske studentar som var i Noreg før krigen, kan også neste år studieår få stipend for livsopphald.
![Utdanningsminister Ola Borten Moe og rektor Svein Stølen ved Universitetet i Oslo i møte med to ukrainske studentar i vår. No blir stipendordninga for dei ukrainske studentane forlengd.](https://image.khrono.no/672313.webp?imageId=672313&width=960&height=548&format=jpg)
– Det er framleis krig i Ukraina, og ukrainske studentar kan ikkje reise heim. Derfor forlengjer vi stipendordninga for dei ukrainske studentane som var i Noreg før 24. februar. Det betyr at dei også kan få stipend for neste studieår, seier statssekretær Oddmund Løkensgard Hoel i ei pressemelding.
Ordninga for studentar frå Russland og Belarus blir derimot ikkje vidareført. Det grunngir statssekretæren slik:
– For dei fleste russiske og belarussiske studentar er det mogleg å reise tilbake til heimlandet. I vår var situasjonen deira akutt, og derfor fekk dei tilbod om økonomisk hjelp fram til sommaren. Det har forhåpentlegvis gitt føreseielegheit og tid til å finne løysingar for vidare studium.
– Frå hausten av er det ikkje grunnlag for å behandle disse studentane annleis enn andre utanlandske studentar, seier Hoel.
50 ukrainske studentar
I vår var det om lag 50 ukrainske, 70 russiske og éin belarussisk student som søkte om stipendet. For haustmesteret er anslaget for ukrainske studentar omtrent det same talet som i vår.
Stipendordninga kom i stand fordi ukrainske, russiske og belarussiske studentar i Noreg mista tilgang til pengar for livsopphald nærmast over natta då krigen starta.
Ordninga gjaldt i første omgang vårsemesteret, og studentane har fått opptil 11.500 kroner per månad. Doktorgradsstudentar har fått 21.000 kroner i månaden.
Nyeste artikler
Botanikarar vil luke ut krenkande plantenamn
Spionsiktet ville ha møte med departement for pengestøtte
Strümke: «KI vil gjere dei dårlege dårlegare og dei gode betre»
Høysesong for opptak. Disse studentene bruker sommeren på søkerne
NMBU-rektor støtter dekanen som har forventning om 25 prosent inntjening av lønn
Mest lest
Nynorskbastion får tyn. «Åtte språkfeil på tre setningar»
Her er Nordens beste universitet
Mange blir mer sårbare med ny finansiering. Hvordan skal utslagene fordeles?
Dro inn 150 millioner i 2023 på studenter som henne
— Sensorene må være med å definere grensa for stryk