Ute var det det nokre vil kalla bergensvêr, og mange av gjestene hadde kledd seg godt. Utanfor Håkonshallen vart dei, tradisjonen tru, tekne imot av buekorps, før dei kunne gå i hus.
Inne i Håkonshallen var statsråd Oddmund Hoel vertskap for banketten og tok imot både holbergprisvinnar Achille Mbembe, Siddharth Sareen, som var årets mottakar av Nils Klim-prisen, Erika Lind-Larsen, som fekk Holbergprisen i skolen, og andre inviterte gjester.
Nokre timar tidlegare hadde statsråden delt ut både årets holbergpris og årets Nils Klim-pris.
— Når framtida vår vert forma, treng me perspektiv der det vert stilt spørsmål ved dei forteljingane som alltid har vorte formidla, sa statsråden i talen sin.
— I sentrum for dette står årets prisvinnar.
Sjå kven som kom på banketten ved å skrolle nedover på sida.
Oddmund Hoel, i hallingbunad, tok imot prisvinnar, professor Achille Mbembe.Eivind Senneset
Jussprofessor Jan Fridtjof Bernt kom saman med kona Anne-Marie Bernt. Ho var ei av mange som hadde pynta seg med bunad.Eivind Senneset
Professor Kjersti Fløttum, tidlegare styreleiar for holbergprisen, kom i trønderbunad, og saman med ektemann Fredrik Behrens. Bak professor og universitetsstyremedlem Inga Berre.Eivind Senneset
Statsforvaltar Liv Signe Navarsete kom i sognebunad. Her saman med ektemann Lars Petter Nesse.Eivind Senneset
Oline Sæther er avtroppande leiar i Norsk studentorganisasjon. Her saman med Gullik-André Fjordbo.Eivind Senneset
Pinar Heggernes er professor i informatikk og prorektor ved Universitetet i Bergen. Ho kom saman med ektemann Frank Heggernes.Eivind Senneset
Jill og Scott Rettberg er begge professorar i digital kultur og knytt til eit av Universitetet i Bergen sine senter for framifrå forsking. Jill Rettberg fekk òg nyleg ei høgthengande ERC-tildeling.Eivind Senneset
Siddharth Sareen vert gratulert av førsteamanuensis i litteraturvitskap, Kjersti Aarstein. Bak gratulerer Gisle Selnes, professor i litteraturvitskap, holbergprisvinnar Achille Mbembe.Eivind Senneset
Prismottakarane Siddharth Sareen og Achille Mbembe.Eivind Senneset
Tore Tungodden, universitetsdirektør ved Universitetet i Bergen, var i rekka av gratulantar.Eivind Senneset
Erika Lind-Larsen frå Vestby videregående skole fekk årets Holbergprisen i skulen.Eivind Senneset
Siddharth Sareen er professsor ved Universitetet i Stavanger og har òg ei bistilling ved Universitetet i Bergen. Her vert han gratulert av UiB-professor Siri Gloppen.Eivind Senneset
Kristin Helle-Valle er tidlegare leiar for Litteraturhuset i Bergen.Eivind Senneset
Statsråden i samtale med Victor Botnevik, studentrepresentant i universitetsstyret.Eivind Senneset
Dekan ved Det samfunnsvitskapelege fakultetet, Jan Erik Askildsen, var blant dei inviterte.Eivind Senneset
Martin Paulsen er instituttleiar ved Institutt for framandspråk. Han kom i nordtrønderbunad. Bak Gunnar Yttri, rektor ved Høgskulen på Vestlandet, i spelemannsbunad frå Sogn.Eivind Senneset
UiB-rektor Margareth Hagen kom i nordmørsbunaden sin.Eivind Senneset
Kari Jegerstedt kom i hardangerbunad. Ho er senterleiar ved Senter for kvinne- og kjønnsforsking.Eivind Senneset
Herlof Nilssen sit i UiB sitt universitetsstyre.Eivind Senneset
Frode Thorsen, dekan ved Fakultet for kunst, musikk og design i munter passiar med Achille Mbembe.Eivind Senneset
Gottfried Greve er viserektor ved UiB.Eivind Senneset
På veg til bords: Prisvinnarane, statsråden, og Jørgen Sejersted, professor og styreleiar for Holbergprisen.Eivind Senneset
Det var både talar og musikk under middagen i Håkonshallen.Eivind Senneset
