smittevern
Ønskjer seg ein «akademisk meter» mellom studentane
Dersom studentane kunne sitja med 90, ikkje 100, centimeter mellom seg, kunne ein nytta annakvart sete i auditoria.
![Sprit og sperreband har vorte naturleg i auditoriet. Rektor Margareth Hagen håpar UiB kan ha førelesing her til hausten, og eitt sete mellom kvar student. Men då vert meteren ørlite for kort.](https://image.khrono.no/577841.webp?imageId=577841&width=960&height=548&format=jpg)
OBS! Denne artikkelen er mer enn tre år gammel, og kan inneholde utdatert informasjon.
Egget, den store førelesingssalen i studentsenteret ved Universitetet i Bergen (UiB) er tom. Til hausten er målet at studentar kan samlast til fysiske førelesingar her. Men spørsmålet er kor mange det er plass til.
Last ned Khrono-appen og få varsel om de viktigste nyhetene.
Last ned til iPhone - Last ned til Android
-
![<span class=" font-Acto" data-lab-fontface_desktop="Acto">Last ned Khrono-appen og få varsel om de viktigste nyhetene.<br class=""><span class=" t14" data-lab-text_size_desktop="14"><span class=" bg-tertiary" data-lab-text_background_color_desktop="bg-tertiary"><a target="_blank" data-cke-saved-href="https://apps.apple.com/no/app/khrono/id1512644292?l=nb" href="https://apps.apple.com/no/app/khrono/id1512644292?l=nb" aria-label="" class="">Last ned til iPhone</a></span> - <span class=" bg-tertiary" data-lab-text_background_color_desktop="bg-tertiary"><a target="_blank" data-cke-saved-href="https://play.google.com/store/apps/details?id=com.automagi.khrono&hl=no&gl=US" href="https://play.google.com/store/apps/details?id=com.automagi.khrono&hl=no&gl=US" aria-label="" class="">Last ned til Android</a></span></span></span><br class=""><span class=" color_mobile_black black" data-lab-text_color_mobile="black" data-lab-text_color_desktop="black">-</span>](https://image.khrono.no/559710.webp?imageId=559710&x=0.00&y=19.21&cropw=99.61&croph=60.70&width=694&height=380&format=jpg)
— Dersom me kan ha avstand på 90 centimeter, vil ein kunne bruka annakvart sete, sa assisterande universitetsrektor Tore Tungodden i universitetsstyremøtet torsdag.
— Me ønskjer oss ein akademisk meter, seier rektor Margareth Hagen til Khrono.
— Er reglane for strenge i dag?
— Eg ønskjer ikkje å svara ja eller nei på det. Men eg håpar me kan få større fleksibilitet. Dersom me kunne hatt 90 centimeter mellom studentane, ikkje ein meter, ville det vorte så mykje enklare.
Leiger lokale
I smittevernrettleiaren frå Folkehelseinstituttet heiter det at det ikkje er sett noko avgrensing på kor mange studentar som kan samlast til førelesing eller anna undervisning, men at ein må kunne ha minst ein meter avstand mellom alle som er til stades.
— UiB har halde smittevernreglane, understrekar Hagen.
I sakspapira til styremøtet heiter det at UiB legg opp til ein undervisningsplan som skal handtera at det framleis vil vera smitteverntiltak til hausten. Det vert mellom anna planlagt redusert omfang på saleksamen.
— Dersom det ikkje er smitteverntiltak i haust, vil det vera enklare å legga om til ordinær undervisning enn å gå motsett veg, heiter det der.
— Me leiger lokale til hausten for å sikra oss, seier Hagen.
I styremøtet understreka både ho, og fleire av styremedlemmene, at dei er uroa for studentane, og håpar dei kan få eit meir normalt semester frå hausten.
— Me må vera heilt skotsikre på at me gjer alt me kan for studentane. Eg fekk heilt vondt av å lesa om korleis dei har hatt det, sa Marianne Møgster, og peika på den ferske SHoT-undersøkinga.
Skilnad frå vidaregåande
Allereie i fjor sommar, altså før studieåret som ikkje vart slik nokon såg føre seg var i gang, stilte Trond Winther, førstelektor ved Universitetet i Søraust-Noreg spørsmål ved om det var for strenge smittevernreglar ved universitet og høgskular.
— Så lenge den generelle einmetersregelen gjeld i UH-sektoren, men ikkje i vidaregåande skule, så set jo den sterke føringar. Det er ikkje heilt lett å forstå at dei skal ha langt strengare praksis enn det som vert gjennomført i vidaregåande skule, sa Winther då.
Skulane er som kjent organisert på grønt, gult og raudt nivå. Det er berre på raudt nivå einmetersregelen kjem inn i vidaregåande skule.
Nyeste artikler
Strümke: «KI vil gjere dei dårlege dårlegare og dei gode betre»
Høysesong for opptak. Disse studentene bruker sommeren på søkerne
NMBU-rektor støtter dekanen som har forventning om 25 prosent inntjening av lønn
Norge har flest lærere per student i høyere utdanning
Slik vil Trump endre høyere utdanning i USA
Mest lest
Her er Nordens beste universitet
Kjerkolifiseringen av norske universiteter må stanses
Nynorskbastion får tyn. «Åtte språkfeil på tre setningar»
Mange blir mer sårbare med ny finansiering. Hvordan skal utslagene fordeles?
Dro inn 150 millioner i 2023 på studenter som henne