korona og studiestart
NTNU snur om heimekontor
Etter nye vurderingar senkar leiinga terskelen for å la tilsette ha heimekontor.
Fleire universitet og høgskular har dei siste dagane revurdert sine planar og reglar for det komande semesteret, etter fleire nye korona-utbrot.
Både ved UiT Norges arktiske universitet og NTNU hadde beredskapsleiinga møte om dette i går.
NTNU hadde i utgangspunktet bestemt seg for at hovudregelen var at dei tilsette skulle vere tilbake på kontora sine frå den 10. august.
Nye oppmodingar frå helsedirektør Bjørn Guldvog om å framleis nytte seg av heimekontor, gjorde at NTNU vurderte endringar i planane.
Etter beredskapsmøtet i går vart det ikkje bestemt nye endringar, men no viser det seg likevel at universitetet snur.
«Hjemmekontor skal fortsatt avtales mellom ansatte og leder, men for å bidra til mindre smitte skal terskelen for hjemmekontor være lavere enn det som ble besluttet i juni», står det på NTNU sine intranettsider i dag, ifølgje Universitetsavisa.
Må avtale med næraste leiar
Dermed går NTNU vekk frå regelen om at hovudarbeidsplassen for dei tilsette skal vere på campus.
Dei går i staden for ei meir fleksibel ordning, der kvar enkelt tilsett, i samråd med næraste leiar, kan finne ei fordeling mellom heimekontor og campuskontor.
Nå har man kommet til at det skal være mer opp til den enkelte ansatte å, i samråd med nærmeste leder, komme fram til en fordeling av arbeidstid mellom hjemmekontor og campuskontor.
«NTNU er en stor organisasjon og det er nødvendig å tilpasse bruk av hjemmekontor med tilstedeværelse slik at den faglige virksomheten fungerer tilfredsstillende», skriv leiinga.
