Utdanningskvalitet
Millionpris til app for sjukepleiestudentar
Lovisenberg diakonale høgskule og rektor Lars Mathisen er tildelt Utdanningskvalitetsprisen for høgare utdanning 2022.

Lovisenberg diakonale høgskule fekk prisen for sitt arbeid med appen TOPP-N. Dette er ei løysing for rettleiing og vurdering av sjukepleiestudentar i praksis.
TOPP-N skal gjere det enklare å vurdere fagleg utvikling i forhold til læringsutbytte, og rettleiinga kan enklare tilpassast studentane sine behov og kompetanse.
— Utdanningskvalitetsprisen heng høgt. Vi er takknemlege for å ha nådd opp med tanken om å kombinere læringsutbyte som fremjar «21st century skills» og eit digitalt verktøy for auka læring i praksiserfaringane, seier rektor Lars Mathiesen i ei pressemelding.
Utdanningskvalitetsprisen blir delt ut av Direktoratet for høgare utdanning og kompetanse og er på ein million kroner. Det var Forskings- og høgare utdanningsminister Ola Borten Moe offentleggjorde vinnar av prisen onsdag 20. april, under konferansen Utdanningskvalitet og digital omstilling 2022.
— Eg håpar og trur at dette kan vere til inspirasjon for andre, sa ministeren.
Prosjektleiar for utviklinga av TOPP-N, Andréa Aparecida Goncalves Nes, seier høgskulen no planlegg å vidareutvikle appen basert på behova til brukarane, som er lærarar, rettleiarar og studentar. Målet er også å utvide samarbeidet nasjonalt og internasjonalt på tvers av ulike yrkesgrupper.
TOPP-N står for Technology Optimized Practice Process – Nurse.
Nyeste artikler
Uroa over plattformene til Musk og Trump — arrangerer kjeldekritikkens dag
OsloMet legger ned trafikklærerutdanningen
Vi trenger en nasjonal tverrsektoriell strategi for å tiltrekke oss internasjonale talenter
Valgkamp og faglig forankring ved NMBU
Forskningsrådet styrker forskning på forsvar og sikkerhet. Oppretter nytt styre
Mest lest
Student brukte KI og fikk tidenes strengeste fuskestraff
Elon Musk blir ikke kastet ut av vitenskapsakademi
Sjefene som tjener over en halv million på ekstrajobber. — Flott og sunt
Kritisk til historisk stort rektorteam: — Et sjuhodet troll
Professor møter rektor i retten. Forlanger erstatning frå NHH etter varslingssak