Utdanningskvalitet
Millionpris til app for sjukepleiestudentar
Lovisenberg diakonale høgskule og rektor Lars Mathisen er tildelt Utdanningskvalitetsprisen for høgare utdanning 2022.
![Frå venstre: Instituttleiar Edith Gjevjon, prosjektleiar for TOPP-N Andréa Nes og rektor Lars Mathisen kan juble for å ha mottatt Utdanningskvalitetsprisen for 2022. Foto: Catrine Hovland Ottervig](https://image.khrono.no/680654.webp?imageId=680654&x=0.00&y=2.93&cropw=100.00&croph=97.07&width=968&height=604&format=jpg)
Lovisenberg diakonale høgskule fekk prisen for sitt arbeid med appen TOPP-N. Dette er ei løysing for rettleiing og vurdering av sjukepleiestudentar i praksis.
TOPP-N skal gjere det enklare å vurdere fagleg utvikling i forhold til læringsutbytte, og rettleiinga kan enklare tilpassast studentane sine behov og kompetanse.
— Utdanningskvalitetsprisen heng høgt. Vi er takknemlege for å ha nådd opp med tanken om å kombinere læringsutbyte som fremjar «21st century skills» og eit digitalt verktøy for auka læring i praksiserfaringane, seier rektor Lars Mathiesen i ei pressemelding.
Utdanningskvalitetsprisen blir delt ut av Direktoratet for høgare utdanning og kompetanse og er på ein million kroner. Det var Forskings- og høgare utdanningsminister Ola Borten Moe offentleggjorde vinnar av prisen onsdag 20. april, under konferansen Utdanningskvalitet og digital omstilling 2022.
— Eg håpar og trur at dette kan vere til inspirasjon for andre, sa ministeren.
Prosjektleiar for utviklinga av TOPP-N, Andréa Aparecida Goncalves Nes, seier høgskulen no planlegg å vidareutvikle appen basert på behova til brukarane, som er lærarar, rettleiarar og studentar. Målet er også å utvide samarbeidet nasjonalt og internasjonalt på tvers av ulike yrkesgrupper.
TOPP-N står for Technology Optimized Practice Process – Nurse.
Nyeste artikler
Botanikarar vil luke ut krenkande plantenamn
Spionsiktet ville ha møte med departement for pengestøtte
Strümke: «KI vil gjere dei dårlege dårlegare og dei gode betre»
Høysesong for opptak. Disse studentene bruker sommeren på søkerne
NMBU-rektor støtter dekanen som har forventning om 25 prosent inntjening av lønn
Mest lest
Her er Nordens beste universitet
Kjerkolifiseringen av norske universiteter må stanses
Nynorskbastion får tyn. «Åtte språkfeil på tre setningar»
Mange blir mer sårbare med ny finansiering. Hvordan skal utslagene fordeles?
Dro inn 150 millioner i 2023 på studenter som henne