Praksis
Marthe skaffa seg praksisplass sjølv to timar unna storbyen — fekk nei
Høgskulen på Vestlandet sa nei fordi praksisplassen var for langt unna Bergen.
Marthe Rygg Johnsen studerer til å bli sosionom ved Høgskulen på Vestlandet (HVL).
Denne hausten er det duka for praksis og praksisplass fiksa Johnsen sjølv, på det ho kallar draumeplassen Solund.
Kommuna heilt ytst i havgapet i det tidlegare Sogn og Fjordane fylke, to timar med hurtigbåt frå Bergen.
Men høgskulen sa nei. Det skriv NRK Vestland.
— Dei får ikkje studentane ut i distrikta på denne måten, ved å halde dei i storbyane, seier Johnsen til NRK Vestland.
Viser til reglar for å sikre kvalitet
— Det er skulen som finn praksisplassar og tildeler dei til studentane, seier Anne-Grethe Naustdal, prorektor for utdanning ved Høgskulen på Vestlandet, til NRK Vestland.
Årsaka til at det er slik er fordi høgskulen må sikre kvalitet, god oppfølging og like vilkår for alle studentane, forklarer Naustdal.
Difor må studentane på sosionomstudiet ha praksis i området kring Bergen, eller i gamle Hordaland fylke, skriv NRK Vestland.
Det var dette Johnsen også fekk til svar frå HVL då ho bad om å få praksis i Solund i staden, fortel ho til Khrono.
Førebels har ho ikkje fått beskjed om kor ho skal ha praksis.
— Ikkje til hinder
I Solund er ordførar Gunn Åmdal Mongstad i stuss over at høgskulen, som skal tene ein mykje større region enn berre Bergen, ikkje har lagt seg meir i selen for å få dette til.
Også forsking- og høgare utdanningsminister Henrik Asheim (H) forventar at høgskular og universitet strekk seg langt i slike saker.
— Dei nasjonale reglane våre er ikkje til hinder for at studentar som ynskjer det skaffar sin eigen praksisplass, seier Asheim til NRK Vestland.
Nyeste artikler
Kritisk til å fravike karakterkrav ved årets opptak
Frykter at Norge sitter igjen med bare tysk, fransk og spansk om ti år
Professor ber dekan om å gå av: — Null tillit
Forskere formidler som bare det i norske romaner. På siste side får de en takk
Internasjonal på- og avstigning
Mest lest
Takk og farvel, masteroppgaven
Litt tyngre å få jobb med master
Her får ansatte lønnsbonus for å publisere: — En god anerkjennelse
Student ble tatt for fusk og saksøkte Kunnskapsdepartementet. Nå har hun tapt i to rettsinstanser.
Går hardt ut mot rektor i lokalavisa