offentleglova
Kritiske til hemmeleghald — no har regjeringa snudd
Reglane for innsyn skulle skjerpast. No har regjeringa snudd. — Me er glade for at lovforslaget er lagt til side, seier UiB-rektor Margareth Hagen.
![Universitetet i Bergen var kritiske til at Offentleglova skulle endrast. Styret vart orienterte om høyringssvaret i møtet sitt 14. september.](https://image.khrono.no/811980.webp?imageId=811980&width=960&height=548&format=jpg)
«Loven gir allerede mulighet til å avslå krav om innsyn i dokumentene. Forslaget vil gi mulighet til også å unnta opplysninger om eksistensen av dokumentene inntil avgjørelsen foreligger. Det mener UiB vil svekke allmennhetens muligheter til å følge med på saker forvaltningen arbeider med og medføre en uthuling av lovens formål».
Dette heiter det i høyringssvaret frå Universitetet i Bergen (UiB) knytt til forslag om endringar i offentleglova. Forslaget gjekk ut på at organinterne dokument ikkje skulle måtte førast i postjournalen.
Jussprofessor: Ikkje irrelevant
— Sjølv om me i dag ikkje har tilgang til interne dokument, så er det ikkje irrelevant for det offentlege å sjå kva interne dokument som er registrerte på etaten. Det kan gi innsyn i kva saker forvaltninga har vore inne i i ein avgjerdsprosess, kva delar av forvaltninga som har deltatt og kor grundig avgjerdsprosessen har vore.
Det sa jussprofessor Christoffer Conrad Eriksen då forslaget vart kjent, ifølgje Uniforum.
Universitetet i Oslo, NTNU og Universitetet i Stavanger var i tillegg til UiB også kritiske til ei endring.
Mehl: Har lytta
No har regjeringa snudd.
— Me har lytta til innspela, og basert på desse finn ikkje regjeringa grunnlag for å gå vidare med saka, seier justis- og beredskapsminister Emilie Enger Mehl (Sp) i ei pressemelding.
Mehl viser til det store engasjementet som har vore i saka.
— For Senterpartiet og Arbeiderpartiet i regjering er det viktig å hegna om demokratiet og ei gjennomsiktig forvaltning. Etter høyringsrunden meiner me det er rett å skrota forslaget.
— Me er glade for at lovforslaget er lagt til side, skriv UiB-rektor Margareth Hagen i ein sms til Khrono.
— UiB har eit prinsipielt standpunkt: Det er viktig at offentlegheita har moglegheit til å utøva kontroll. Dagens lov tek i tilstrekkeleg hand om handtering av organinterne dokument.
Endringslogg: Khrono skreiv opprinneleg at i dag skal alle organinterne dokument ligga i journalen. Endra 22. september kl 9.24.
Nyeste artikler
NMBU-rektor støtter dekanen som har forventning om 25 prosent inntjening av lønn
Norge har flest lærere per student i høyere utdanning
Slik vil Trump endre høyere utdanning i USA
I toppen på bruk av vikarer
En forskrift som fordrer dialog. Om norskkrav for rekrutteringsstillinger
Mest lest
Her er Nordens beste universitet
Kjerkolifiseringen av norske universiteter må stanses
Nynorskbastion får tyn. «Åtte språkfeil på tre setningar»
Mange blir mer sårbare med ny finansiering. Hvordan skal utslagene fordeles?
Dro inn 150 millioner i 2023 på studenter som henne