krf-landsmøte
KrF vil fjerna monopol for medisinutdanning
Institusjonane bør sjølve få bestemma kva studium dei skal tilby, har KrF sitt landsmøte vedteke. Men det er likevel ikkje sikkert partiet røystar for å oppheva gradsforskrifta for medisin i denne omgang.

OBS! Denne artikkelen er mer enn tre år gammel, og kan inneholde utdatert informasjon.
«Institusjonene innenfor høyere utdanning bestemmer selv hvilke studier de skal tilby. Særrettigheter for navngitte institusjoner til enkelte studier, som i gradsforskriften, fjernes».
Last ned Khrono-appen og få varsel om de viktigste nyhetene.
Last ned til iPhone - Last ned til Android
-

Det heiter det i eit forslag frå Rogaland Kristeleg folkeparti (KrF), som fredag vart vedteke på partiet sitt landsmøte. Med dette går partiet lenger enn regjeringa, som som kjent har varsla at dei ønskjer å endra gradsforskrifta for teologi, rettsvitskap og psykologi. Forskrifta seier at nokre utdanningsretningar er det berre enkelte utdanningsinstitusjonar som kan tilby.
— Me ønskjer å opna opp, seier parlamentarisk leiar Han Fredrik Grøvan til Khrono.
Grunnlag for forhandlingar
Det var Stavanger Aftenblad som først skreiv om saka. Der heiter det at vedtaket kan bety grønt lys for medisinutdanning ved Universitetet i Stavanger.
— Eit løft for heile utdanningsnoreg, seier UiS-rektor Klaus Mohn til Aftebladet.
Men det er ikkje sikkert KrF kjem til å røysta for å oppheva gradsforskrifta for medisin i denne omgang.
— Det som landsmøtet no har vedteke har vore KrF sitt standpunkt heile vegen, og det har også vore mitt syn. Men regjeringa har fremja eit litt meir moderat forslag, seier Grøvan.
— Kjem KrF til å røysta for å oppheva gradsforskrifta også for medisin når saka skal handsamast i Stortinget i vår?
— Me er ein del av regjeringa, og må ta utgangspunkt i regjeringa sitt forslag. Det me har diskutert på landsmøtet, er det som skal vera programmet vårt for neste periode, seier Grøvan, men peikar på at det kan verta forhandlingar når Stortinget skal handsama saka om styringsmelding.
— Då er landsmøtet sitt vedtak ei rettesnor og eit grunnlag for mine vurderingar.
Intern usemje
I fleire parti er det interne skilnader i spørsmålet om gradsforskrift og medisinutdanning. Slik er det også i KrF. Aftenbladet skriv at tidlegare fylkesordførar i Rogaland, Solveig Ege Tengesdal, forsvarte forslaget frå talarstolen, men fekk motbør frå Helga Marie Bjerke frå Troms og Finnmark KrF.
Det kom også forslag om å vedta at ein skulle legga til rette for medisinstudium ved UiS. Dette vart ikkje vedteke.
— Me har handsama prinsippet, ikkje enkeltstudium, og ønska ikkje meir detaljstyring, seier Grøvan.
Nylige artikler
Plagiat-felt stipendiat tvunget til å slutte. Vant ikke fram med klage
QR-kode i kantine-kampanje ledet til helseopplysninger
Et stjerneeksempel på hvorfor forskere ikke orker å delta i samfunnsdebatten
Flest mener Ap er best på utdanning og forskning: — Motiverende
Omorganisering ga overskudd tross sviktende omsetning og svak krone
Mest leste artikler
Beata krevde overtidsbetalt — tapte i retten
79 sluttavtaler er signert. Benedicte (48) tok en for laget
NTNU-professor gir Høyre-topp delvis rett om «tullestudier»
Mener Norge bør overta Harvard
Mener studenters krav og rettigheter går på bekostning av forskning