valkamp
Jørgensen inn i rektorteam i Bergen
Medievitskapsprofessor Kristine Jørgensen går inn i Oddrun Samdal sitt rektorteam ved Universitetet i Bergen.

OBS! Denne artikkelen er mer enn tre år gammel, og kan inneholde utdatert informasjon.
Kristine Jørgensen har arbeidsstaden sin i ei av klyngene der Universitetet i Bergen (UiB) er med: Media City Bergen (MCB).
No går professoren i medievitskap inn i Oddrun Samdal sitt rektorteam. Ho skal ha ansvar for innovasjon og infrastruktur, og erstattar Ragnhild Louise Muriaas. Muriaas var ein av fleire UiB-forskarar som før jul fekk eit høgthengande EU-stipend, ERC Concolidator Grant.
— Eg har vore instrumentell i oppbygginga av UiB sitt miljø i MCB, seier Jørgensen.
Forskar på dataspel
Det er delar av Institutt for informasjons- og medievitskap som held til i medieklynga. Jørgensen var prosjektleiar for instituttet si faglege satsing i planleggingsfasen, og hadde fram til nyttår ansvar for studieprogramma i medie- og interaksjonsdesign.
— Eg står med ei god forankring i korleis denne klynga er viktig i UiB sine klyngestrategi, seier ho.
Dersom Jørgensen kjem inn i rektoratet, er planen å halda fast ved noko av forskingstida. Ho forskar på dataspel, med utgangspunkt i feltet game studies. Det er studiet av spel; spelinga, spelarane og kulturen rundt dei.
— Det eit tverrfagleg felt forankra i human- og samfunnsvitskaplege tradisjonar, som òg har eit teknisk element, seier Jørgensen.
For nokre år sidan fekk ho prosjektstøtte i kategorien unge forskartalent frå Forskingsrådet til å forska på korleis spelarane opplever ubehageleg innald i dataspel i spelekonteksten.
Val i mars
Rektorvalet ved UiB vert arrangert som digitalt val frå 22.-25.mars. Så langt har det meldt seg to rektorteam; eit med noverande rektor Margareth Hagen som rektorkandidat og eit med noverande viserektor for utdanning Oddrun Samdal som rektorkandidat. Men fristen for å melda kandidaturet sitt er framleis ikkje ute.
Også Universitetet i Oslo skal velja rektor denne våren. Her er det så langt berre sitjande rektor Svein Stølen som har meldt seg.
Endringslogg: Jørgensen sitt ansvarsområde er innovasjon og infrastruktur. Endra 29.januar kl 13.42.
Nyeste artikler
KI-generert lærebok skaper bølger. — Helt absurd
Fagskolene mellom barken og veden
Cecilie Hellestveit vurderer å slutte å snakke med media: — Klikkhoreri
ChatGPT fikk A på eksamen. — Skulle nesten bare mangle
Nye trusler mot akademisk frihet og solidaritet
Mest lest
Medisinstudent ble utestengt i fire år — tapte rettssak
Professor ber studentene forplikte seg: Du vil bli sett på som en forræder om du dropper ut
Åpner for at studenter kan levere masteroppgaven på nytt for å få bedre karakter
Bare 6000 av 24.000 møter opp på campus daglig. — Skulle gjerne sett flere
To studenter er Årets navn i akademia