Idrettshøgskulen manglar mange millionar. — På grensa til uforsvarleg

Våren 2020 la den dåverande regjeringa vekk forslaget om å overføra ansvaret for å forvalta staten sine eigedommar ved Universitetet i Bergen, Norges miljø- og biovitenskapelige universitet, Universitetet i Oslo, UiT Norges arktiske universitet og Norges teknisk-naturvitenskapelige universitet til Statsbygg. Men Norges Idrettshøgskole (NIH) er òg sjølvforvaltande. Dei stod ikkje på lista den gongen.

LES VIDERE ETTER ANNONSEN

FÅ NYHETER PÅ MOBILEN
Last ned Khrono-appen!

Etter ein eigen prosess vart det i juli i år klart at staten tek over NIH sine eigedommar, og at den vitskapelege høgskulen går inn under statens husleigeordning — slik mange andre utdanningsinstitusjonar allereie er. I forslaget til statsbudsjett for 2022 ligg det inne ein kompensasjon på 20 millionar kroner.

Det er altfor lite, seier NIH-rektor Lars Tore Ronglan til Khrono.

— Me er uroa over kva konsekvensar dette får, og fryktar det vil gå rett inn i kjerneverksemda vår, seier han.

les også:

Skuffelse over brems på forskning

Kostar 44, får 20

Husleiga er på 44 millionar kroner i året, og at dei får høgskulen altså tjue. I den andre enden kjem dei til å spara noko på at Statsbygg tek over ansvaret, men langt frå alt.

— Veit du kor mange millionar de kjem til å mangla?

— Nei, det sit nokon hos oss og reknar på no, seier Ronglan tysdag ettermiddag.

— Men me skal framleis ha ansvar for mykje av innhaldet i bygga våre sjølve, til dømes at det er vatn i symjehallen og banedekke i idrettshallen. Alle utandørsanlegga er det òg me som kjem til å ha ansvar for. Dette betyr at eigedomsavdelinga vår framleis kjem til å vera stor.

— Uforsvarleg

NIH har styremøte allereie denne veka. I desember skal styret vedta budsjett for 2022. Det kjem til å verta krevjande, seier rektoren.

— Å få nokre få månader på oss på så drastiske kutt er på grensa til uforsvarleg, seier Ronglan.

I tillegg får også NIH dei vanlege avbyråkratiskerings- og effektiviseringskutta (ABE-kutt), og må som dei andre institusjonane betala inn meir i pensjon.

— ABE-kutt er ekstra krevjande for små institusjonar. Me kjem raskt inn til kjerneverksemd, seier Ronglan.

No jobbar høgskulen inn mot den nye regjeringa.

— I den store samanhengen er dette små pengar, men for oss er det store pengar - og veldig avgjerande.

les også:

Reagerer på pensjonskutt: Dramatisk og oppsiktsvekkende