energiomstilling
Får Equinor-pengar for å forske på CO₂-lagring og demokrati
To nyoppretta forskingssenter i Oslo og Trondheim får 25 millionar kroner kvar frå VISTA-programmet.
VISTA-programmet er eit samarbeid mellom
Equinor og Det Norske Videnskaps-Akademi om forskingsfinansiering.
Frå før finst det to såkalla VISTA-senter i Noreg, det eine lokalisert ved NTNU i Trondheim, det andre ved Universitetet i Bergen.
No får NTNU eitt til:
VISTA Center for Norwegian Transformative Energy Policy Development (NOTRAP) ved Psykologisk Institutt i NTNU, leia av Christian A. Klöckner.
Transformativt
Målet er ifølgje pressemeldinga å utvikle «metodikk for å skape innovative, rettferdige og transformative retningslinjer for den norske energiomstillingen, med vurdering av økonomiske, miljømessige og samfunnspolitiske virkninger».
Universitetet i Oslo — og VISTA Centre for CO₂ storage in volcanic-sedimentary systems (VICCO) ved Institutt for geofag, leia av Henrik Svendsen, er det andre senteret som får støtte.
Der skal dei «lete etter muligheter for CO₂-lagring i gigatonn-skala i sedimentære-vulkanske bergarter på den norske kontinentalsokkelen».
Det er første gong at VISTA-programmet set av pengar til samfunnsvitskapeleg forsking.
— Det er viktig å få innsikt i korleis vi kan balansere behov for styring med djup involvering av samfunnsaktørar, og sjå korleis ulike prosessar og aktørar påverkar kvarandre. NOTRAP ved NTNU vil bidra til auka, grunnleggande kunnskap om dynamikken i grenseflata mellom energiomstilling demokrati, seier styreleiar i VISTA, Kenneth Ruud.
15 søknader
Utlysinga i den siste runden for tildelingar gjennom VISTA gjekk ut i januar i 2024. 15 søknader kom inn. To ekspertpanel har plukka ut vinnarane.
— Spesielt gledeleg er det at mange av våre universitetsmiljø har interesse og kompetanse innan breidda av problemstillingar som må adresserast i energiomstillinga samfunnet står overfor, seier Ruud.
VISTA-programmet vart oppretta i 1985 som eit samarbeid mellom Statoil (no Equinor) og Det Norske Videnskaps-Akademi.
Den overordna visjonen var å stimulere til grunnforsking relatert til utnytting og forvalting av norske petroleumsressursar.
Nyeste artikler
Tidligere statsminister søker toppstilling ved Oxford fra fengsel
Reagerer på at statsråden ikke avviser sykepleierimport
Khrono — En kritisk refleksjon
Reagerer på manglende oppfølging av styrevedtak om samarbeidsavtaler
Får Equinor-pengar for å forske på CO₂-lagring og demokrati
Mest lest
Hun er professor, men har mistet vitnemålet fra gymnaset. Derfor får hun ikke studere
Professoren googlet seg selv. Fant falske artikler
Tiltalt for dokumentfalsk, oppga at hun var utdannet ved utenlandsk universitet
Har drevet bokhandel for studenter i 27 år. Får ikke lenger delta på studiestart
Oddmund Hoel: Stillingskutt er den nye virkeligheten