Får eksamen annullert etter teknisk feil på NTNU

Studentane hadde fire timars eksamen i grunnkurs informasjonsteknologi ved NTNU i Ålesund, Trondheim og Gjøvik, skriv VG.

Det skal ha vore tekniske problem som førte til at nokre studentar fekk tilgang til internett. Dermed måtte eksamen for deira del reknast som ugyldig. Ifølgje VG ramma feilen 530 studentar. 105 av dei fekk eksamen annullert og må ta den på nytt neste år.

Avdelingsdirektør i studieadministrasjonen ved NTNU, Anniken Løe, seier at alle, også dei som fekk fullført, vil få tilbod om å ta eksamen på nytt. Grunnen er at mange vart forstyrra som følgje av komplikasjonane.

Ein ny eksamen skal setjast opp rett over nyttår.