bygg
Desse 11 institusjonane får pengar til å oppgradere bygg
I regjeringa sin krisepakke tre, vart det sett av 100 millionar til oppgradering og tilpassing av bygg. Her er oversikta over universiteta og høgskulane som får støtte.
Publisert
Sist oppdatert
OBS! Denne artikkelen er mer enn tre år gammel, og kan inneholde utdatert informasjon.
I statsbudsjettet for 2020 løyvde Stortinget 161 millionar kroner til oppgradering av forskings- og læringslokale. Som del av regjeringa sin krisepakke nummer tre som var klar i slutten av mai, vart det lagt ytterlegare 100 millionar kroner til.
No er det klart kva slags universitet og høgskular som får støtte til å oppgradere og tilpasse sine bygg for nye undervisningsformer.
— Hundre millionar ekstra gjer at vi no raskt kan setje i gang enda fleire gode prosjekt som vil kome studentane til gode, samstundes som vi bidreg til å halde hjula i byggenæringa i gang, seier forskings- og høgare utdanningsminister Henrik Asheim (H) i ei pressemelding.
Største sum til Universitetet i Bergen
Blant institusjonane som no får prosjektstøtte, er det Universitetet i Bergen som får den største potten.
Dei får 27 millionar kroner til å bygge om Christies gate 12 til bruk for Psykologisk fakultet.
Nest mest får OsloMet, med 15 millionar til å oppgradere og tilpasse læringsareala til helseutdanninga i Pilestredet i Oslo.
Vidare er det Høgskulen i Molde som får den tredje største summen. Høgskulen får 8,5 millionar til å oppgradere areal som blir drivne av studentane sjølve.
Desse får støtte i runde to i 2020
| Institusjon | Prosjekt | SUM |
| HVL | Campus Bergen - lab. for anleggsteknikk og trekonstruksjoner | 900 |
| Høgskolen i Molde | Oppgradering av studentdrevne arealer | 8 500 |
| NTNU | Fornye hovedbygg 1. etasje - Ålesund | 6 000 |
| OsloMet | Pilestredet 32 – Tilpasning av undervisningsrom og studentarbeidsplasser | 15 000 |
| UiA | Fakultet kunstfag – studentarbeidsplasser for elektronisk musikk | 500 |
| UiA | Studentkulturhus – tilpasning til undervisning | 500 |
| UiA | Naturmuseet – oppgradering av undervisningsrom | 500 |
| UiA | Mobile grupperom – ny bruk av gangarealer | 500 |
| UiS | Kjølv Egelands hus – tilpasning til studentformål | 1 000 |
| UiB | Psykologisk fakultet – ombygging og oppgradering av Christies gt. 12 | 27 000 |
| SUM | 60 400 |
(Summar i tal tusen kroner)
Dei 100 millionane er fordelte slik: 60,4 millionar kroner går til 10 institusjonar som ikkje har fått pengar i tidlegare runder, medan dei resterande 39,6 millionane går til fem prosjekt som allereie har fått delvis støtte.
Tildelinga fungerer slik at institusjonane sjølve må bidra med minst like mykje midlar til dei aktuelle prosjekta.
Fordeling til prosjekt som vart tildelt midlar i førre runde (mai 2020)
| Institusjon | Prosjekt | Tildelt allerede | Tildelt runde 2 | SUM |
| NIH | Tilrettelegging av bibliotek og lesesal | 10 000 | 4 500 | 14 500 |
| NMBU | Auditorium Max | 20 000 | 10 000 | 30 000 |
| NTNU | Campus NTNU, samling Gløshaugen | 15 000 | 12 350 | 27 350 |
| UiT | Universitetsbiblioteket i Tromsø | 15 000 | 10 000 | 25 000 |
| Høgskulen i Innlandet | Ombygging av undervisningsarealer, Hamar, Lillehammer og Rena | 5 000 | 2 750 | 7 750 |
| SUM | 39 600 |
(Summar i tal tusen kroner)
Med denne tildelinga er det totalt løyvd 752 millionar kroner til oppgraderingsprosjekt sidan 2015, ifølgje Kunnskapsdepartementet.
