Vil ha eit eige fakultet for lærarutdanning ved NTNU

— Kva er det viktigaste du har gjort dette studieåret?

— Eg har vore redaktør for ei bok om forsking på utanlandspraksis for lærarstudentar, som om kort tid kjem på Universitetsforlaget.

— Kva er dei største utfordringane på arbeidsplassen din neste studieår?

— NTNU har framleis store utfordringar med å bli ein einskapleg institusjon etter fusjonen for nokre år sidan. På mitt institutt (Institutt for lærarutdanning) er det nesten 500 tilsette, noko som er uhensiktsmessig stort på nivå tre i organisasjonen og det burde etter alle solemerke vore eit eige fakultet.

— Kor mykje er du på heimekontor no etter pandemien?

— Veldig lite på heimekontor.

— Kva er dei største utfordringane i akademia framover, slik du ser det?

— Det kan verka som finansiering av den frie forskinga kjem til å verta utfordrande framover, noko vingeklippinga av forskingsrådet kan tyda på.

— Kva var det første du ville ha gjort om du var forskings- og høgare utdanningsminister for ein dag?

— Eg er sjeleglad for at eg ikkje er minister, men meir tillit til institusjonane ville vorte prioritert.

— Kva skal du gjera sommar?

— Eg skal bada i Mjøsa, sykla i Trysilfjellet og drikka øl i Göteborg.

— Kva bør Khrono verte betre til?

— Eg synest Khrono er vorte veldig bra, spesielt etter at det har kome meir stoff om det som skjer utanfor ring 3. Hald fram slik!