høgskulen i volda
Vart ikkje rektor, vil halda fram som dekan
Unni Hagen er ein av fire søkjarar til stillinga som dekan for avdeling for kulturfag ved Høgskulen i Volda.

Unni Hagen (67) var nominert og hadde takka ja til å stilla som rektorkandidat ved Høgskulen i Volda. Men då ho ikkje fekk med seg nokon prorektorkandidat måtte ho trekka kandidaturet sitt.
No er Hagen ein av fire søkjarar til stillinga som dekan ved Avdeling for kulturfag, ei stilling ho også har i dag.
Fire søkjarar
Hagen får konkurranse frå tre andre søkjarar.
Ein av dei, Bjørn Sæterås, er intern. Han er i dag studieleiar for praktisk-pedagogisk utdanning ved høgskulen.
I tillegg har Jon Are Steen og Britt Folkedal Berentzen søkt stillinga.
Åtte vil leia humanistane
Det var tre dekanstillingar som vart lyst ut. Til stillinga ved avdeling for humanistiske fag og lærarutdanning har det meldt seg åtte søkjarar.
Fleire av dei er interne: Både Kari Leikanger Buset, Henriette Hafsaas og Silje Ims Lied er i dag tilsette ved Høgskulen i Volda.
...og ingen vil leia samfunnsvitarane
Planen er å tilsetja dekanar for desse to avdelingane i styret sitt mars-møte. Fungeringsperiode er frå august, samstundes som høgskulen òg får ny rektor.
For den siste stillinga, dekan for Avdeling for samfunnsfag og historie, er søknadsfristen utvida. Her melde det seg ingen søkjarar, heiter det i nyheitsbrev frå høgskulen. Ny søknadsfrist vert 23. januar.
Nyeste artikler
To forskere henter hjem 28 millioner kroner hver i prestisjestipender fra EU
Bærekraftig utvikling og samisk som urfolksspråk
Rekordmange studenter har søkt dette stipendet
Forventer minst 400 millioner ekstra i statsbudsjettet
Slik kan det nye musikkbygget i Bergen bli
Mest lest
Hun ble utestengt for fusk. Så oppdaget hun feilen som snudde saken opp ned
Se hvem som tjener best i akademia: — Ganske lav lønn i Norge
Slik lurte han sensor med ChatGPT — fikk A på eksamen
Dekan ved Høgskolen i Innlandet går på dagen
Regjeringen går fra 6 til 3 kategorier i finansiering av utdanninger