ny jobb
UiO-student blir politisk rådgivar for Borten Moe
Signe Bjotveit (23) hadde sin første dag på jobb i Kunnskapsdepartementet måndag.
![Signe Bjotveit skal vere politisk rådgivar for forskings- og høgare utdanningsminister Ola Borten Moe (Sp), og sett masteroppgåva si ved Universitetet i Oslo på vent.](https://image.khrono.no/622248.webp?imageId=622248&width=960&height=548&format=jpg)
Den nye forskings- og høgare utdanningsministeren, Ola Borten Moe (Sp), har enno ikkje fått oppnemnd ein statssekretær. Men måndag blei det klart kven som blir med han inn i statsrådsposten som politisk rådgivar: Student Signe Bjotveit frå Jølster i Sogn og Fjordane.
Masterstudent ved UiO
Sidan vidaregåande har 23-åringen vore aktiv i Senterpartiet. Ho har vore leiar i Gloppen senterungdom, og satt inntil nyleg i fylkesstyret for Senterungdommen og i politisk utval på nasjonalt nivå. Som 19-åring flytta ho til Oslo, der ho tok ein bachelor i kultur og kommunikasjon.
No har ho sett masteroppgåva si på vent. Bjotveit hadde også permisjon frå studiane ved Universitetet i Oslo i forrige semester, då ho dreiv valkamp og var praktikant i Senterpartiets hovudorganisasjon.
Bjotveit har igjen masteroppgåva si i organisasjon, leiing og arbeid ved Institutt for sosiologi og samfunnsgeografi.
— Så no hoppar du av studiane?
— Eg veit ikkje. Eg har første dag på jobb i dag. Eg må finne ut om eg kan få permisjon. Eg håpar det. Eg vil gjerne gjere ferdig masteren min ein dag, seier ho.
— Skikkeleg kult
Ho seier til Khrono måndag kveld at ho kjenner statsråd Ola Borten Moe godt og gler seg til å jobbe i lag med han.
— Kva gler du deg aller mest til med jobben?
— Eg gleder meg aller mest til å jobbe med eit politikkområde som er skikkeleg kult. Å kjempe for studentane, høgare utdanning og forsking brenn eg for, seier ho.
— Og den viktigaste saka?
— Det er mykje som må gjerast, og no må vi finne ut kva som skal gjerast først og sist. Men å få til utdanning i heile Norge er viktig. At ein kan bu i ein liten tettstad å få ta masteren sin, eller etter- og vidareutdanning derifrå er viktig, seier Bjotveit.
— Og kva trur du kan bli mest vanskeleg og utfordrande?
— For å vere ærleg; nett no så undrar eg aller mest på korleis eg skal få kvardagen til å gå opp, men det får eg til, seier Signe Bjotveit på telefon frå det nye kontoret sitt i Kunnskapsdepartementet.
Nyeste artikler
Botanikarar vil luke ut krenkande plantenamn
Spionsiktet ville ha møte med departement for pengestøtte
Strümke: «KI vil gjere dei dårlege dårlegare og dei gode betre»
Høysesong for opptak. Disse studentene bruker sommeren på søkerne
NMBU-rektor støtter dekanen som har forventning om 25 prosent inntjening av lønn
Mest lest
Her er Nordens beste universitet
Kjerkolifiseringen av norske universiteter må stanses
Nynorskbastion får tyn. «Åtte språkfeil på tre setningar»
Mange blir mer sårbare med ny finansiering. Hvordan skal utslagene fordeles?
Dro inn 150 millioner i 2023 på studenter som henne