Dødsfall
Professor Victor Norman er død
Fredag døydde NHH-professor Victor Norman (f. 1946) etter lang tids sjukdom.
Professor og tidlegare rektor ved NHH Victor Norman er død. Norman har vore sjuk i lengre tid, og vart 78 år gamal.
Norman var utdanna samfunnsøkonom med mastergrad frå Yale og doktorgrad frå Massachusetts Institute of Technology (MIT).
Norman har undervist ved NHH sidan 1971, og vart professor same staden i 1975.
Han var også statsråd i Bondevik II-regjeringa, der han var arbeids- og administrasjonsminister.
Djupt sakna
I ei melding på nettsidene til NHH seier rektor Øystein Thøgersen at Victor Norman vil verta djupt sakna.
– Heilt sidan midten av 1970-talet har generasjonar av siviløkonomar kunna gledd seg over dei skarpe analysane og den eminente formidlingsevna hans, sa NHH-rektoren då han fekk bodskapen om dødsfallet.
Torsdag oppretta NHH ein formidlingspris til ære for Victor Norman for å heidra innsatsen hans som økonom og formidlar.
I 2020 leidde Victor Norman Demografiutvalet. Utvalet gjorde mellom anna framlegg om å påleggja universitet og høgskular å ha eit desentralisert utdanningstilbod.
– Et levende seminar fylt av kjærlighet
Victor Norman var gift med NHH-professor og byrådsleiar i Bergen, Christine Meyer (H). Laurdag skriv ho på den opne facebookprofilen sin:
«Min kjæreste, fantastiske mann og aller beste venn sovnet stille inn i går kveld fredag 20. september.»
Den engasjerte professoren har vore alvorleg kreftsjuk over tid.
«Å leve med deg var som å bo midt i et levende seminar fylt av kjærlighet.»
Nyeste artikler
Stipendiat fra UiO til topps i Forsker Grand Prix
Matematikk: en bærebjelke i moderne demokratier
UiS is not dysfunctional — the Norwegian government's portrayal of universities is
Jobbet utenlands etter studiene: — Fikk erfaring jeg aldri kunne fått i Norge
Å tørre å spørre er det viktigste i arbeid med individuell tilrettelegging i høyere utdanning
Mest lest
Fikk gladmelding — så ble livsverket lagt i grus
Ett år i Norce: — Fikk sjokk da jeg skjønte hva de økonomiske vilkårene er
Kjetil Selvik (1973—2024)
— UiO presser meg til å innrømme ting jeg aldri har gjort
— Det virker som man har lett etter ting som kan brukes mot henne