Asbjørn Seim blir direktør for to divisjonar ved OsloMet i 2020, etter at Tore Hansen går av som ORV-direktør ved årsskiftet. Foto: Ketil Blom Haugstulen
Asbjørn Seim blir direktør for to divisjonar ved OsloMet i 2020, etter at Tore Hansen går av som ORV-direktør ved årsskiftet. Foto: Ketil Blom Haugstulen

Mellombels dobbeltdirektør på OsloMet

Direktør. Asbjørn Seim ved OsloMet skal ha to direktørjobbar ut 2020.

Publisert   Sist oppdatert

Asbjørn Seim, som i dag er direktør for Divisjon for digitalisering og infrastruktur (DI) ved OsloMet får ein divisjon til å passe på i tida framover. Når Tore Hansen sluttar i stillinga som direktør for «organisasjon og virksomhetsstyring (ORV) frå årsskiftet, vil Seim ta over ansvaret, melder OsloMet.

Dobbel direktørstilling må ikkje bety 200 prosent stilling, meiner Seim.

— Det finst måtar å gjere ting på, det krev litt planlegging, og mange må bidra, seier han til Khrono.

— OsloMet på ei spennande reise

ORV-direktøren har det øvste ansvaret for fagområda, HR (Human relations), kommunikasjon og økonomi ved universitetet.

Seim har bakgrunn som statsvitar og har jobba med digitalisering og endringsarbeid i departement og direktorat før han kom til OsloMet for tre år sidan.

— OsloMet er på ei veldig spennande reise, med tydeleg og omfattande utvikling og med ein klar endringsagenda. Dette i seg sjølv gjer jobben interessant. Og det å få bidra til å sjå verkemiddelapparatet enno meir i samanheng er spennande på den måten at det kan understøtte denne endringsagendaen. Eg ønskjer å bidra til dette planlagte utviklingsarbeidet og vere med og forsterke det, seier Seim.

Vil vurdere framtidig organisasjon

Rektor Curt Rice seier i ei pressemelding at universitetet er inn i «en helhetlig vurdering» av strukturen når det gjeld dei to ansvarsområda i fellesadministrasjonen.

— Eg vil ha med meg resultata frå dette arbeidet, før vi konkluderer på framtidig organisering av blant anna divisjonane, seier Rice.

Tore Hansen har vore i stillinga som ORV-direktør sidan mars 2017, og fungerte i stillinga frå januar 2016. Han var før den tid kommunikasjonsdirektør ved Høgskolen i Oslo og Akershus (HiOA).

Abjørn Seim skal i første omgang fungere som direktør for begge divisjonar, DI og ORV, ut 2020, opplyser OsloMet.