HK-dir tek over ansvaret for spørjeundersøkingane om studiekvalitet

Det skriv Regjeringa i ei pressemelding tysdag.

Spørjeundersøkingane det blir sikta til gjeld nærare bestemt studiebarometera og undervisarundersøkingane.

Arbeidet med studiekvalitet skal styrkast og samlast i Direktoratet for høgare utdanning og kompetanse (HK-dir). 

Debatt ● Nina Waaler

Nokut tar grep for å redusere køene, men det tar tid å komme i mål

Koordineringsansvar

Fram til no har ansvaret for desse undersøkingane lagt hos Nokut.

No får HK-dir eit overordna koordineringsansvar for statistikk, analyse og informasjonsarbeid om studiekvalitet i norsk høgare utdanning og høgare yrkesfagleg utdanning frå 2025, står det i pressemeldinga.

Forskings- og høgare utdanningsminister Oddmund Hoel (Sp) seier at endringa er eitt av fleire grep regjeringa tek for å auke studiekvaliteten.

— No samlar vi oppgåver som naturleg høyrer saman, og vi frigjer viktige ressursar i Nokut (Nasjonalt organ for kvalitet i utdanninga), uttalar Hoel i pressemeldinga.

Khrono har fleire gongar skrive om at det har vore ein propp hos Nokut. I vinter vart det kjent at regjeringa føreslær at fagskulane vert sjølvakkrediterande. Elles har det vore kø mellom anna fordi utdanningsinstitusjonar har søkt om å oppretta nye profesjonsutdanningar og fordi det har vorte levert inn søknader om endring av status frå høgskule til universitet. 

nokut

Det har proppa seg hos Nokut: 13 søknader i kø

Meir reindyrka

Det blir elles nemnd at Nokut skal bli meir reindyrka som eit fagleg uavhengig organ med akkrediterings-, tilsyns- og evalueringsoppgåver.

Oppgåva med evalueringar av studiekvalitet blir verande i Nokut. Det er ei lovheimla oppgåve som føreset fagleg fristilling. Flytting av ansvar og arbeidsoppgåver frå NOKUT til HK-dir inneber ikkje endringar i nivåa på driftsbudsjetta for dei to verksemdene.

I statsbudsjettet for 2024 overførte regjeringa 200 millionar kroner til universiteta og høgskulane for å styrke det desentraliserte og fleksible studietilbodet. Pengane blei flytta frå program og tilskotsordningar som HK-dir forvalta. Dermed blir det frigjort kapasitet i HK-dir knytt til avvikling av tilskotsordningar, melder Regjeringa.