organisering
HK-dir tek over ansvaret for spørjeundersøkingane om studiekvalitet
Frå 1. januar 2025 skal Direktoratet for høgare utdanning og kompetanse (HK-dir) overta ansvaret for dei nasjonale spørjeundersøkingane om studiekvalitet.
![HK-dir, her representert ved direktør Sveinung Skule, skal ta over deler av oppgåvene som Nokut tidlegare har hatt ansvaret for.](https://image.khrono.no/732322.webp?imageId=732322&x=0.00&y=7.24&cropw=100.00&croph=85.51&width=960&height=548&format=jpg)
Det skriv Regjeringa i ei pressemelding tysdag.
Spørjeundersøkingane det blir sikta til gjeld nærare bestemt studiebarometera og undervisarundersøkingane.
Arbeidet med studiekvalitet skal styrkast og samlast i Direktoratet for høgare utdanning og kompetanse (HK-dir).
Koordineringsansvar
Fram til no har ansvaret for desse undersøkingane lagt hos Nokut.
No får HK-dir eit overordna koordineringsansvar for statistikk, analyse og informasjonsarbeid om studiekvalitet i norsk høgare utdanning og høgare yrkesfagleg utdanning frå 2025, står det i pressemeldinga.
Forskings- og høgare utdanningsminister Oddmund Hoel (Sp) seier at endringa er eitt av fleire grep regjeringa tek for å auke studiekvaliteten.
— No samlar vi oppgåver som naturleg høyrer saman, og vi frigjer viktige ressursar i Nokut (Nasjonalt organ for kvalitet i utdanninga), uttalar Hoel i pressemeldinga.
Khrono har fleire gongar skrive om at det har vore ein propp hos Nokut. I vinter vart det kjent at regjeringa føreslær at fagskulane vert sjølvakkrediterande. Elles har det vore kø mellom anna fordi utdanningsinstitusjonar har søkt om å oppretta nye profesjonsutdanningar og fordi det har vorte levert inn søknader om endring av status frå høgskule til universitet.
Meir reindyrka
Det blir elles nemnd at Nokut skal bli meir reindyrka som eit fagleg uavhengig organ med akkrediterings-, tilsyns- og evalueringsoppgåver.
Oppgåva med evalueringar av studiekvalitet blir verande i Nokut. Det er ei lovheimla oppgåve som føreset fagleg fristilling. Flytting av ansvar og arbeidsoppgåver frå NOKUT til HK-dir inneber ikkje endringar i nivåa på driftsbudsjetta for dei to verksemdene.
I statsbudsjettet for 2024 overførte regjeringa 200 millionar kroner til universiteta og høgskulane for å styrke det desentraliserte og fleksible studietilbodet. Pengane blei flytta frå program og tilskotsordningar som HK-dir forvalta. Dermed blir det frigjort kapasitet i HK-dir knytt til avvikling av tilskotsordningar, melder Regjeringa.
Nyeste artikler
Spionsiktet ville ha møte med departement for pengestøtte
Strümke: «KI vil gjere dei dårlege dårlegare og dei gode betre»
Høysesong for opptak. Disse studentene bruker sommeren på søkerne
NMBU-rektor støtter dekanen som har forventning om 25 prosent inntjening av lønn
Norge har flest lærere per student i høyere utdanning
Mest lest
Her er Nordens beste universitet
Kjerkolifiseringen av norske universiteter må stanses
Nynorskbastion får tyn. «Åtte språkfeil på tre setningar»
Mange blir mer sårbare med ny finansiering. Hvordan skal utslagene fordeles?
Dro inn 150 millioner i 2023 på studenter som henne