Gir 50 millionar til studiesenter: — Manglar lærarar og sjukepleiarar

Regjeringa gir no tilskot til 31 studiesenter i heile Noreg. Sentera er etablerte i tett samarbeid med lokalt næringsliv, kommunar og fylkeskommunar slik at dei best mogleg møter regionale behov.

Det skriv regjeringa i ei pressemelding.

Sjå kven som får kva i tabellen nedst i artikkelen.

— Vi må sikre utdanning av arbeidskrafta vi treng i Noreg framover. Vi manglar blant anna både lærarar og sjukepleiarar. Derfor held vi fram med å styrke fleksible og desentraliserte utdanningstilbod slik at endå fleire kan ta ei utdanning der dei bur, uttalar forskings- og høgare utdanningsminister Oddmund Hoel (Sp).

Det er sentera sjølv som har søkt om pengar.

sjukepleieutdanning

Sverre (42) kunne ikkje reisa ut — vert sjukepleiar i eige distrikt

Samiske søknadar

Sveinung Skule er direktør for Direktoratet for høgare utdanning og kompetanse (HK-dir), som er instansen som har handsama årets søknadar. Han melder om gode søknadar:

— Vi opplever at alle jobbar etter føremålet om å tilby kompetanseheving tilpassa regionale behov og kompetanseplanar, seier Skule, som særleg gler seg over fleire samiske søknadar dette året.

— Samiskspråkleg utdanning vert styrka med tildeling av driftsmidlar til tre studiesenter i Nord-Troms, Helgeland og Oslo. Vi veit det er behov for samisk kompetanse, som å beherske samisk språk godt og god kulturforståing, seier Skule.

desentralisert utdanning

Khrono-kartet over utdanningssteder i Norge

— Gode på å rekruttere folk

Ifølge regjeringa bidreg pengane frå dei til at fleire kan ta desentralisert utdanning ved universitet, høgskular eller fagskular utan å flytte eller reise langt.

— Studiesentera er gode på å rekruttere folk som elles ikkje ville søkt kompetanseheving. For mange er det avgjerande at dei kan kombinere studiane med jobb og familie.

— Eg vil at alle skal ha same moglegheit for karriereutvikling og livslang læring, same kvar i landet du bur, seier Oddmund Hoel