studentbustad
Gir 400 millionar til nye studentbustader
Åtte studentsamskipnader får 413 millionar kroner til totalt 1130 nye studentbustader. Ein tredel av bustadane skal byggast i Nord-Noreg.

OBS! Denne artikkelen er mer enn tre år gammel, og kan inneholde utdatert informasjon.
– Å sørga for at det finst god tilgang på trygge og rimelege bustader for studentar over heile landet, er noko av det viktigaste vi kan gjere for studentøkonomien. For dei fleste studentar er husleige den største enkeltutgifta. I år aukar vi innsatsen særleg i Nord-Noreg, men også studentbustadprosjekt i sør, aust og vest får store tilskot denne gongen, seier forskings- og høgare utdanningsminister Ola Borten Moe i ei pressemelding.
Regjeringa gir no pengar til totalt 1130 nye studentbustader.
Det prosjektet som får høgast tilskot ligg i Tromsø. Der får Noreg arktiske studentsamskipnad 76 millionar kroner til 200 nye hybeleiningar. Studentinord i Bodø får 68 millionar kroner til 178 nye studenthyblar i Skavdalslia.
– Me vil ha eit aktivt og levande studentliv i Nord-Noreg, og vi veit det er stort behov for fleire studentbustader nord i landet no. Derfor har vi sett av pengar til å skalere opp tilbodet av studentbustader i Bodø og Tromsø kraftig, seier Borten Moe.
Totalt er det 15 prosjekt hos åtte studentsamskipnader får pengar. Det vart søkt om midlar til vel 1600 hyblar, men regjeringa har prioritert prosjekt som kan koma kjapt i gang.
Slik blir midlane til dei 1130 hybeleiningane fordelte:
Samskipnad | Studiestad | Prosjekt | Tiltak | Antall | Tilskot i mill kr |
SINN | Elverum | Meierigata | Nybygg | 120 | 39,144 |
SSN | Rauland | Raulandsakademiet | Nybygg | 32 | 10,438 |
SiO | Oslo | Jon P Erliens v 1B-13 (verneverdig) | Rehab. | 171 | 65,356 |
Sammen | Bergen | Fantoft - N-blokk syd | Nybygg | 2 | 0,764 |
SiT | Trondheim | Magnus den Godes ft 2 | Nybygg | 2 | 0,764 |
SiA | Kristiansand | Gimle 4 | Nybygg | 71 | 27,136 |
SiA | Grimstad | Jon Lilletunsvei 21 og 23 | Nybygg | 6 | 1,957 |
Sammen | Stord | Rommetveit - Osahaugen 22-26 | Nybygg | 82 | 26,748 |
Sammen | Bergen | St.Halvardsvei 11 | Nybygg | 77 | 29,429 |
SiT | Gjøvik | Røverdalen | Nybygg | 20 | 6,524 |
SiT | Gjøvik | Studievegen | Nybygg | 70 | 22,834 |
SiO | Oslo | Kringsjå Fase 3 | Nybygg | 79 | 30,193 |
SiA | Kristiansand | St. Olavsvei 41-43 | Nybygg | 20 | 7,644 |
NAS | Tromsø | Dramsveien panorama, tr 4 | Nybygg | 200 | 76,440 |
Studentinord | Bodø | Skavdalslia | Nybygg | 178 | 68,031 |
Kjelde: Kunnskapsdepartementet
Nyeste artikler
UiS-styret bør ikke stemme over ECIU-saken nå
Universitetet som velferdskontor
Slik ble han spion på UiT
Ber om fortsatt forvaring av student: — Det er en gjentakelsesfare
Anerkjent islam-forsker frikjent for «forsvar av terrorisme»
Mest lest
Har lagt inn varsel på egen 60-årsdag: «Husk å pensjonere deg tidlig!»
Norsk stiftelse evakuerte en av sine Harvard-studenter i natt. Landet i Oslo fredag
Student krevde pengene tilbake etter at hun tok professoren på fersken
Rektor forsvarer Glenn Diesen. — Har rett til å formidle sine meninger
Farvel til hjemmeeksamen