Flyttar ansvaret for rettsmedisin frå UiB 

— Eg er veldig nøgd med at me har fått dette til, seier Per Bakke til Khrono.

Han er dekan ved Det medisinske fakultetet ved Universitetet i Bergen (UiB), og har lenge ønskt at Helse Bergen skal ta over ansvaret for rettsmedisin. No skjer dette frå nyttår. 

Mellom andre Bergens Tidende har meldt at det har vore lange obduksjonskøar i Bergen. UiB har hatt berre ein rettsmedisinar i full stilling, og nokre tilsett i mindre stillingar.

Rettsmedisin

Politiet refser Universitetet i Bergen for obduksjons­­kø. Dette svarer dekanen

— Me har hatt problem med å levera det politiet treng, seier Bakke, og viser til at UiB fleire gongar har lyst ut stillingar, utan å få søkjarar. Han peikar på at det ikkje finst ei eiga spesialisering i rettsmedisin.

Direktør for Laboratorieklinikken ved Haukeland universitetssjukehus, Gunnar Mellgren, seier i ei pressemelding at sjukehuset ser fram til å ta over rettsmedisin.

— Me har eit tett og godt samarbeid med UiB, og vil så snart som mogleg og saman med dei planlegga innføringa av rettsmedisin til oss, seier han.

Sjølve overføringa av fagområdet til sjukehuset vil skje som ei verksemdsoverdraging.

Det er berre i Bergen at rettsmedisin ligg ved universitetet. I Oslo, Tromsø og Trondheim er det universitetssjukehusa som gjennomfører obduksjonar, også dei som er knytt til rettsmedisin.

— Det er fleire patologar ved sjukehuset enn det er hos oss, seier Bakke.

baneheia-saken

Olav Gunnar Ballo vil at politiet skal etterforske Rettsmedisinsk institutt