Internasjonalt
Fleire universitet satsar på samarbeid i Singapore
UiT Noregs arktiske universitet og OsloMet signerte nye avtalar med partnarar i Singapore.
![UiT-rektor Dag Rune Olsen signerte nye avtalar i Singapore i september.](https://image.khrono.no/815206.webp?imageId=815206&width=960&height=548&format=jpg)
UiT Noregs arktiske universitet utvidar
samarbeidet med partnarar i Singapore.
To nye intensjonsavtalar er signert, melder UiT Noregs arktiske universitet. Begge dreier seg om forskingssamarbeid innan hav og energi med to av Singapores leiande universitet.
Den eine avtalen har UiT underteikna med National University of Singapore (NUS) og er retta mot internasjonal havrett, ifølgje ei pressemelding frå UiT.
NUS er i fleire internasjonale rangeringar rekna som eitt av dei beste universiteta i verda.
Hav og helse
Singapore er observatørstat i Arktisk Råd, som har sitt sekretariat i Tromsø, og følgjer nøye med på blant anna dei juridiske rammene for skipsfart i
Arktis. Noreg tok i år over leiarskapet i Arktisk Råd.
Frå før har UiT-forskarar samarbeid med kollegaer i Singapore innan helse, akvakultur, marin teknologi, jordobservasjon og energi.
Dei nyaste avtalane vart signerte under Norway-Singapore Science Week i september, i regi av Innovasjon Noreg og den norske ambassaden i Singapore. UiT hadde ein delegasjon på 18 forskarar og andre tilsette på arrangementet.
OsloMet og NTNU
På Science Week i Singapore var også representantar frå OsloMet, NTNU og SINTEF for å knytte band og fornye eksisterande samarbeid.
Under opphaldet signerte Fakultet for helsevitskap (HV) ved OsloMet ein ny samarbeidsavtale med Faculty of Medicine ved NUS. Målet er ifølgje OsloMet å styrke kunnskap og utdanningar innan blant anna jordmorfag og helsesjukepleie, og helseteknologi.
UiT underteikna i tillegg ein ny avtale om studentutveksling, som i utgangspunktet skal gjelde bachelorstudentar på fiskeri og havbruk.
Nyeste artikler
Strümke: «KI vil gjere dei dårlege dårlegare og dei gode betre»
Høysesong for opptak. Disse studentene bruker sommeren på søkerne
NMBU-rektor støtter dekanen som har forventning om 25 prosent inntjening av lønn
Norge har flest lærere per student i høyere utdanning
Slik vil Trump endre høyere utdanning i USA
Mest lest
Her er Nordens beste universitet
Kjerkolifiseringen av norske universiteter må stanses
Nynorskbastion får tyn. «Åtte språkfeil på tre setningar»
Mange blir mer sårbare med ny finansiering. Hvordan skal utslagene fordeles?
Dro inn 150 millioner i 2023 på studenter som henne