Nytt styre
Departementet forlangar meir oppdragsforsking
Kunnskapsdepartementets (KD) årlege tilbakemelding ligg på bordet i haustens første styremøte. KD meiner Nord universitet må få inn meir pengar frå bidrags- og oppdragsfinansiert aktivitet.
![Rektor Hanne Solheim kunne glede seg over pengar til Blått bygg ved Nord universitet, då statsrådane Henrik Asheim og Odd Emil Ingebrigtsen hadde med budsjettlekkasjar nordover i sommar. Nord har likevel fleire andre utfordringar å ta tak i, ifølgje regjeringa.](https://image.khrono.no/606665.webp?imageId=606665&x=0.00&y=14.23&cropw=100.00&croph=85.77&width=968&height=554&format=jpg)
Førebelse budsjettrammer, strategiarbeid, studiestadstruktur, ph.d.-studiar i profesjonspraksis og campusutvikling i Levanger, alt står på sakskartet i Bodø torsdag.
I tillegg skal styret diskutere tilbakemeldingane frå Kunnskapsdepartementet etter årets såkalla etatsstyringsmøte. Nord får skryt for mellom anna å ha klart å oppretthalde undervisning- og forsking på ein god måte under pandemien.
Meir kritisk, ifølgje departementet, er den låge delen av masterstudentar som gjennomfører på normert tid og svak rekruttering til lærarutdanningane.
I tillegg er KD bekymra for nedgang i inntekter som skriv seg frå bidrags- og oppdragsfinansiert aktivitet (BOA) og frå Forskingsrådet. Dette er eit prioritert område for den sitjande regjeringa. «Trenden med nedgang i BOA-inntekter fortsetter dessverre. Nedgangen har vært betydelig de siste fem årene, og nivået ligger langt under snittet for universiteter og høyskoler», heiter det i brevet frå Oslo.
Styremøtet er det første til den nye styreleiaren, Øyvind Fylling-Jensen, som tar over etter Vigdis Moe Skarstein. Der blir også andre debuterande representantar i styret.
Nyeste artikler
Botanikarar vil luke ut krenkande plantenamn
Spionsiktet ville ha møte med departement for pengestøtte
Strümke: «KI vil gjere dei dårlege dårlegare og dei gode betre»
Høysesong for opptak. Disse studentene bruker sommeren på søkerne
NMBU-rektor støtter dekanen som har forventning om 25 prosent inntjening av lønn
Mest lest
Nynorskbastion får tyn. «Åtte språkfeil på tre setningar»
Her er Nordens beste universitet
Mange blir mer sårbare med ny finansiering. Hvordan skal utslagene fordeles?
Dro inn 150 millioner i 2023 på studenter som henne
— Sensorene må være med å definere grensa for stryk