Nobelprisvinnar Edvard Moser får fleire øyremerkte midlar. Her i samtale med Trond Mohn, ein viktig bidragsytar til bergensk forsking, og Bodil Friele. Foto: Dag Hellesund

Meir pengar til Moser og Kavliinstituttet

Budsjettlekkasje. Kavliinstituttet for nevrovitskap ved NTNU, der nobelprisvinnarane Edvard og May-Britt Moser er forskarar, får 12 millionar meir årleg frå neste år.

Publisert Oppdatert

OBS! Denne artikkelen er mer enn tre år gammel, og kan inneholde utdatert informasjon.

Kavliinstituttet for nevorvitskap ved NTNU, der dei to nobelprisvinnarane Edvard og May-Britt Moser er forskarar, får auka statsstøtta frå 16 til 28 millionar kroner i året.

Dette skriv NRK Trøndelag. Pengane skal i hovudsak brukast til forskarstillignar knytte til Mosergruppa.

NTNU har lenge ønskt seg meir pengar, og Universitetsavisa skreiv i vår at i eit vedtak rådde Forskingsrådet sitt styre til at Kunnskapsdepartementet aukar den øyremerkte støtta. NTNU hadde ønskt seg om lag 50 millionar kroner, tilrådinga frå Forskingsrådet skal ha vore at Moser-miljøet får mellom 35 og 40 millionar.

— Regjeringa ønskjer å heia fram dei eksellente forskarane og forskingsmiljøa me har. Edvard og May-Britt med sine Nobelprisar er eit veldig godt døme på det, sier forskings- og høgare utdanningsminister, Iselin Nybø (V) til NRK.

Edvard Moser seier til NRK at pengane skal nyttast til stillingar, og først og fremst til meir vågal forsking.

— Heile spekteret av folkesjukdommar kan me faktisk finna løysingar på etter kvart, seier han.

Moser seier til NRK at forskargruppa vil prøva å forstå korleis nettverk med tusenvis av celler samarbeider. Dette kan så føra til at ein kan forstå hjernefunksjonane tenking og planlegging. Det er funksjonane som er ramma i psykiatriske lidingar, og kognitive lidingar som Alzheimer sjukdom.

Velkommen til vårt kommentarfelt
Logg inn med en Google-konto, eller ved å opprette en Commento-konto gjennom å trykke på Login under. (Det kan være behov for å oppdatere siden når man logger inn første gang)

Vi modererer debatten i etterkant og alle innlegg må signeres med fullt navn. Se Khronos debattregler her. God debatt!
Powered by Labrador CMS