smitteutbrot

Ber tilsette ved institutt testa seg

Tre tilsette ved same institutt ved Universitetet i Bergen har testa positivt for covid-19.

Institutt for fysikk og teknologi er ein del av Det matematisk-naturvitskapelege fakultetet ved Universitetet i Bergen.
Hilde Kristin Strand
Tekst:
Publisert

OBS! Denne artikkelen er mer enn tre år gammel, og kan inneholde utdatert informasjon.

Fredag kom meldinga om at tre tilsette ved Institutt for fysikk og teknologi (IFT) ved Universitetet i Bergen har testa positivt for covid-19.

Det var Bergens Tidende som først skreiv om dette, og smittevernoverlege Frank van Betten stadfestar til avisa at det er eit utbrot ved instituttet.

Fungerande kommunikasjonsdirektør Olaf Erlend Gundersen seier til Khrono at dei tre har vore på campus, men dei har ikkje hatt ordinær undervisning.

— Det er få tilsette som har vore på campus, i tråd med UiB sine retningslinjer. Alle nærkontaktar skal no vera varsla, seier Gundersen.

Det er Bergen kommune som tek seg av smittesporingsarbeidet.

Gundersen seier at det har gått ut informasjon til dei tilsette ved IFT, og at UiB no oppmodar dei om å halda seg heime. Dei som har vore på campus vert bedne om å testa seg.

— Veit ein at det er ein samanheng mellom dei tre tilfella?

— Det er ein ikkje heilt sikker på, men dei høyrer til same miljø, seier Gundersen.

smitte korona universitetet i bergen fysikk covid-19 nyheter
Siste fra forsiden:
Powered by Labrador CMS