2022: Campus­krasj for kunstfaga

Bak luke nummer 18 i Khrono finn me Nora Bilalovic Kulset. Ho leier Institutt for musikk ved NTNU i Trondheim.

— Nora Bilalovic Kulset, korleis vil du oppsummere 2022 med universitets- og høgskulebrillene på?

— Campuskrasj for kunstfaga ved NTNU. Ein ny, øvste leiar i Kunnskapsdepartementet som me merkar godt. Campusplanane til NTNU vart halverte i sum då den nye regjeringa toga inn, og i dette vart samlinga av kunstfaga ved NTNU totalskrota. For vår del, ved Institutt for musikk, vil det også seia at me må halda fram med å driva musikkutdanning på seks ulike adresser, i lokale som berre delvis er tilpassa aktiviteten vår, og som stort sett ikkje er universelt utforma. Det er både kostbart, ei potensiell utfordring for studiekvaliteten, og ikkje minst tidkrevjande å skulla flytta seg over store avstandar gjennom dagen, både for studentar og tilsette.

NTNU Campussamling

— Lenge siden vi signaliserte at smerte­grensen er nådd, og mye har skjedd siden da

— Kva er det kjekkaste du har vore med på i universitet- og høgskuleverda i år, og kvifor?

— Å få koma tilbake på campus i august og gje studentane fysisk undervisning utan stadige endringar gjennom hausten. Det var også godt å oppleva at kollegaane mine ikkje lenger trong å undervisa digitalt, men kunne vera fysisk til stades på campus og møta studentane igjen. Me er jo flokkdyr, så det var utruleg godt å krypa ut av heimekontor og inn i fellesskapen igjen.

— Kva har vore den største utfordringa i 2022, slik du ser det?

— Det er at Kunnskapsdepartementet har fått ny øvste leiar, noko me merkar godt og som til dels skapar uro i måten endringar vert handterte og kommuniserte på. Og så er det sjølvsagt ei utfordring at me er i ei tid med nedskjeringar i staden for vekst, i ei verd i uro både på grunn av pandemi, energikrise og krig i Europa.

— Kva er ditt juleynske for universiteta og høgskulane?

— Eg har alt fått det eine juleynsket mitt oppfylt, nemleg at kollegaer og vener ved Griegakademiet i Bergen likevel får byggja nytt hus. Det vart eg så glad for på musikken sine vegner at eg ikkje ynsker meg noko meir.

byggestans

Musikkut­danninger spiller opp til kamp for nye bygg

— Kva skal du gjera i jula?

— Verdas mest keisame svar, men med det beste meiningsinnhaldet: eg skal vera saman med dei vaksne barna mine som kjem heim for å feira jul.