17.oktober vart det meldt om ein smitta student ved Universitetet i Tromsø - Norges arktiske universitet. Studenten studerer i Tromsø. Vedkomande er sett i isolasjon, og 14 studentar som har hatt gruppeundervisning saman med denne studenten dei siste dagane vil verta kontakta av smittesporingsteamet. Dette skriv UiT på sine nettsider.
Før helga fekk ein student ved Høgskolen i Innlandet, studiestad Hamar, påvist smitte. Lørdag kom beskjeden om at ein student til har testa positivt, skriv Ringsaker Blad. Dette tilfellet heng saman med det første. 23 medstudentar og to lærarar sit i karantene.
(Hilde Kristin Strand / Khrono)
