kina
Kina avviser påstandar om overvaking. Amnesty-rapport «har ingen kredibilitet»
Kinesiske styresmakter «har aldri overvaka eller på nokon måte trua kinesiske studentar i utlandet», ifølgje ambassaden i Noreg.
![Kinas ambassade i Oslo tar avstand frå den «såkalla rapporten» frå Amnesty. I staden oppmodar dei folk til å ta kontakt med kinesiske studentar i «det verkelege livet».](https://image.khrono.no/877067.webp?imageId=877067&width=960&height=548&format=jpg)
Blir kinesiske studentar i Noreg overvaka,
trakasserte og utsette for truslar frå eigne styresmakter for å hindre kritikk
mot regimet?
Det er det grunn til å tru, ifølgje Amnesty Noreg.
Kina avviser dette, og kallar det for «vondsinna» påstandar.
Bakteppet er ein rapport frå Amnesty International som bygger på intervju med kinesiske studentar i Europa og Nord-Amerika. Der går det fram at studentar driv sjølvsensur, kjenner på frykt fordi dei opplever å bli overvaka. Rapporten peikar også på hendingar der familiane i heimlandet er blitt trua og utsett for sanksjonar.
Viserektor ved Universitetet i Oslo, Mette Halskov Hansen, har sagt til Khrono at dei er klar over at overvaking går føre seg.
NTNU har «hatt tilfeller med situasjoner som rapporten omtaler».
Det er i tråd med observasjonane frå tryggleikstenestene i Noreg som åtvarar mot transnasjonal undertrykking frå autoritære statar, blant dei Kina.
«Fabrikkert»
Men ifølgje Kinas ambassade i Noreg — som Khrono har kontakta for kommentar — har Amnestys «såkalla rapport ikkje noko faktagrunnlag og ingen kredibilitet.»
Kina «har aldri overvaka eller på nokon måte trua kinesiske studentar i utlandet», skriv ambassaden.
Og vidare:
«I staden for å tru på den vondsinna, fabrikkerte rapporten av dei som kanskje aldri har sett sin fot på kinesisk grunn, burde ein heller ta kontakt med studentar som er utanlands, i det verkelege livet, og ha meir utveksling med dei som faktisk har vore i og har kunnskap om Kina. Vi ønskjer også norske studentar varmt velkommen til å besøke Kina, slik at dei kan sjå og bli kjent med Kina med sine eigne auge».
1000 studentar i Noreg
Politiets tryggingsteneste (PST) har fast dialog med alle dei store utdanningsinstitusjonane i Noreg.
PST har i si trusselvurdering for 2024 åtvara om at autoritære statar «utøver transnasjonal undertrykkelse i form av press, trusler og i noen tilfeller dødelig vold for å stilne kritikk mot sine regimer».
I februar i år gjekk PST for første gong ut med opplysningar om at kinesiske forskingsleiarar, gjesteforskarar og studentar frå institusjonar knytt til det kinesiske militæret jobbar i Noreg.
Det er i underkant av 1000 kinesiske studentar i Noreg i dag, medrekna dei på doktorgrad. Universitetet i Oslo tar i mot flest, og har 115 i vårsemesteret 2024. Stipendiatar kjem i tillegg.
Nyeste artikler
Dro inn 150 millioner i 2023 på studenter som henne
Nynorskbastion får tyn. «Åtte språkfeil på tre setningar»
Studenter tapte sitatsak. Idømt 500.000 i sakskostnader
Belsom i 2013: «Jeg er redd for at mange studenter, gjennom mange år og i flere fag kan ha fått feil karakterer»
Fagskolen: Veien til en styrket høyere yrkesfaglig utdanning
Mest lest
Her er Nordens beste universitet
Kjerkolifiseringen av norske universiteter må stanses
Eksterne sensorer mener de ble overprøvd slik at færre studenter fikk stryk
Professor skal ha feilfakturert universitet for flere hundre tusen kroner
Mange blir mer sårbare med ny finansiering. Hvordan skal utslagene fordeles?