rektorval

Danka ut sitjande rektor. Ny valrunde i Molde

Valet ved Høgskolen i Molde enda med exit for sitjande rektor og kandidat Steinar Kristoffersen.

Steinar Kristoffersen var innstilt på å ta ein ny periode som rektor ved Høgskolen i Molde Bergen. No blir han i staden bytta ut med enten Elin Mordal som er kollega ved høgskulen, eller noverande rektor ved Høgskolen i Volda, Johan Roppen. FOTO: PAUL S. AMUNDSEN

Paul S. Amundsen

Tekst: Njord V. Svendsen njord.svendsen@khrono.no

Publisert 19.04.2023 - 17:56 Sist oppdatert 19.04.2023 - 19:09

Dermed blir det ny valrunde på høgskulen, då med dei to attverande kandidatane, Johan Roppen og Elin Mordal. Ifølgje regelverket må det omval til dersom ingen av kandidatane får meir enn 50 prosent av stemmene.

Prorektorvalet er derimot avgjort.

Svein Bråthen blir ny prorektor frå 1. august i perioden som varer fram til 1. juli 2027. Han kapra vervet hårfint med om lag 52 prosent av stemmene, mot motkandidat Jeanette Varpen Unhjems 48 prosent.

I første valrunde var det outsider Johan Roppen, som har snart åtte år bak seg som rektor ved Høgskulen i Volda, som fekk flest stemmer. Men også her var skilnaden hårfin: 260 stemte på Roppen, 249 på Elin Mordal — knappe 39 mot 37 prosent. Mordal er tilsett ved høgskulen.

Steinar Kristoffersen har vore rektor i Molde i snart seks år, og var klar for nye år i jobben, med ambisjon om arbeide for universitetsstatus.

Det ville ikkje fleirtalet på Høgskolen i Molde.

Kristoffersen måtte nøye seg med 24 prosent av stemmene.

217 teljande stemmer vart avgitt frå dei tilsette, 214 av dei teljande og tre blanke. Studentane leverte 168 teljande stemmer.

Datoar for runde to av rektorvalet er sett til 25. og 26. april.