UNESCO-professorat til UiS
OBS! Denne artikkelen er mer enn tre år gammel, og kan inneholde utdatert informasjon.
Universitetet i Stavanger (UiS) er tildelt eit UNESCO-professorat innan temaet mangfald, inkludering og utdanning, skriv dei på eigne heimesider.
Det er professor i religionsdidaktikk, Geir Skeie, som skal fylle stillinga som UNESCO-professor, i tett samarbeid med kollegaer ved UiS og VID Vitenskaplege høgskule.
— Såkalla «UNESCO chairs» heng høgt. Utnemninga blir gitt til institusjonar verda rundt som har fagmiljø som utmerkar seg innanfor utvalde område som er relevante for UNESCO, seier Skeie i saka på heimesidene.
UiS er tildelt professoratet etter å ha søkt til UNESCO. Dei to har signert ein avtale som gjeld i fire år framover, opplyser universitetet.
— Dette er første gongen UiS blir tildelt eit slikt professorat, og UiS blir no del av eit større nettverk med liknande UNESCO-stillingar over heile verda. Vi får ein tydelegare talarstol, som gir høve til å opne nokre dører, utan at vi i dag kan sei nøyaktig kva dører og når, seier rektor Klaus Mohn.
Det følgjer ikkje pengar med tildelinga. Det å vere vertskap for ein såkalla «UNESCO chair», inneber å drive nettverksarbeid i inn- og utland, lage møteplassar for folk som tradisjonelt sett kanskje ikkje jobbar saman, og sette relevante tema på dagsorden, skriv universitet på heimesidene.
(Ragnhild Vartdal / Khrono)
Nyeste artikler
Botanikarar vil luke ut krenkande plantenamn
Spionsiktet ville ha møte med departement for pengestøtte
Strümke: «KI vil gjere dei dårlege dårlegare og dei gode betre»
Høysesong for opptak. Disse studentene bruker sommeren på søkerne
NMBU-rektor støtter dekanen som har forventning om 25 prosent inntjening av lønn
Mest lest
Her er Nordens beste universitet
Kjerkolifiseringen av norske universiteter må stanses
Nynorskbastion får tyn. «Åtte språkfeil på tre setningar»
Mange blir mer sårbare med ny finansiering. Hvordan skal utslagene fordeles?
Dro inn 150 millioner i 2023 på studenter som henne