Sosiologi
Ottar Brox er død
Ottar Brox døydde fredag kveld, 91 år gamal.
Sosiologen Ottar Brox er død.
Det stadfester sonen hans, Johan, til avisa Nordlys fredag kveld.
Brox vart 91 år gamal.
Den markante sosiologen vart fødd i 1932, og kom frå Torsken på Senja i Troms.
Brox var professor ved UiT Noregs arktiske universitete (UiT) frå det vart opna i 1972 og fram til 1984.
– Veldig trist
— Først og fremst er det veldig trist, seier Nils Aarsæther, professor emeritus ved Institutt for Samfunnsvitenskap ved UiT, til Nordlys.
UiT minna fredag kveld Brox:
— Han var ein av våre første professorar, ein av pionerane våre, og vart i 2003 utpeika til æresdoktor ved UiT. Få, om ingen, har sett så stort preg på samfunnsforskinga og debatten om Nord-Noreg som Ottar Brox, skreiv universitetet på Facebook-sida si.
Seks tiår i offentleg debatt
Brox var òg politikar for SV, og han var svært viktig, seier nestleiar i SV, Torgeir Knag Fylkesnes, til Nordlys. Brox sat på Stortinget frå 1973-77.
— Han har i meir enn seks tiår vore sentral i den offentlege debatten, som forskar, stortingsmann, forfattar og debattant.
I 2023 kom det ein film om Brox. Ottar Brox - Kampen for kysten. Her vert mellom anna starten av den vitskapelege karrieren hans, som vit.ass ved dåverande Landbrukshøgskolen i Ås, skildra, og møtet mellom Brox og rettleiaren hans, Fredrik Barth.
— Me får vera med på at han diskuterer saka, både med politikarar i Oslo og med lokale fiskarar i Mehamn og Gamvik. Og det er nettopp det at me får sjå dette spennet i typen samtalepartnarar som gjer filmen interssant som akademikarportrett, skreiv Khrono sin filmmeldar Jan Storø.
Saka er oppdatert 17. februar kl 9.34
Nyeste artikler
Eksamensavgift er et forsøk på å avvikle gratisprinsippet
Skandale i spansk akademia. Rektor anklages for forskningsjuks
Monica Rolfsen blir ny prorektor på NTNU
Her ligger studentene «døde» før styremøtet. Krever handling fra NTNU
Tre ansattrepresentanter stemte mot rektors forslag om å samle historikerne
Mest lest
Fekk ikkje jobben: — Vert straffa for å vera introvert vestlending
Da forskeren fikk den dødelige sykdommen ALS, ble jobben ekstra viktig
Ansettelsessaken i Bergen: En faglig tautrekking
Mastergrad gir jobb, men studenter er overrasket over tøff overgang
Tidligere barnegeni har ni æresdoktorater. Nå er hun valgt til universitetskansler