Ønsker seg ein robot som fortel vitsar som kan lære ho norsk

Kva er ditt beste klimatiltak i år?

— Eg klarte å inspirere nokre folk til å fly mindre – både i jobben og i fritida.

FAKTA

Juleselfie: Valeria Jana Schwanitz

Stilling/studie: Førsteamanuensis, Institutt for miljø- og naturvitskap, Høgskulen på Vestlandet

Alder: 45

Fødested: Guben, Tyskland

Bosted: Sogndal

Kva ville du ha brukt ein robot til, viss du fekk ein?

— Til å lære meg opp i norsk og andre språk ved hjelp av gode historier og vitsar, og ved å rette på dei dumme og flaue feila mine.

Viss du kunne valt karriere heilt på nytt, kva ville du ha valt?

— Det var vanskeleg, for eg likar jobben min så godt! Men med tanke på den enorme utviklinga innan IT, kunne eg godt tenkje meg å studere informasjonsteknologi. Då ville eg brukt kunnskapen min til å utvikle spelversjonar av virtuelle røyndommar, slik at folk kunne få erfare utopiar med rot i forsking. Kanskje skal eg gjere det seinare ein gong? Guben, Tyskland

Kva er du mest fornøgd med å ha oppnådd i året som har gått?

— På jobben er eg mest nøgd med at eg har fått samarbeide med mange inspirerande forskarar både i Noreg og andre land. I privatlivet er eg stolt av at eg har sumt i Sognefjorden kvar dag heilt til oktober. Om nokre år satsar eg på å starte med isbading.

Kva er ditt flauaste minne frå studietida di?

— Eg var den einaste kvinnelege fysikkstudenten på ei førelesing om eksperimentell fysikk. Med eitt snudde professoren seg mot meg og sa: «Det neste eksperimentet er spesielt viktig for deg, om du ønskjer å reingjere huset på effektivt vis.»

Du får Iselin Nybø på overraskande julebesøk. Kva ville du snakka med henne om?

— Sidan eg er begeistra for forsking, ville eg snakka med henne om korleis vi kan jobbe for å betre matte- og forskingskunnskapane blant elevar og studentar – sjølv om det er jul no.

Bør vi ha fleire eller færre universitet om 10 år?

— Eg trur kvalitet er viktigare enn kvantitet.

Kva tenker du bør vere dei viktigaste debattane i akademia dei neste åra?

— Vi bør ha ein ærleg diskusjon om berekraftig utvikling. Ein diskusjon som er basert på grundig forsking – og det er faktisk noko anna enn velinformerte synspunkt. Eg meiner også at diskusjonen vi har no manglar det globale perspektivet

I kva grad er det ytringsmot på norske universitet og høgskular?

— Berekraftig utvikling er eit viktig forskingstema for dei alle. Likevel…

Kva gler du deg mest til i jula?

— Eg gler meg til musikken – og til at det å spele og syngje saman blir ein mykje større del av kvardagen i juletida.

(Intervjuet er gjennomført på e-post.)