samisk
Nord universitet og UiT tar historisk masterprogram-grep
Skal samarbeide om masterprogram i samisk språk- og litteraturvitskap spesielt tilpassa for sør- og lulesamiske studentar.
![Inger Johansen er særs glad for samarbeidet mellom Nord universitet og UiT i Tromsø.](https://image.khrono.no/860469.webp?imageId=860469&x=0.00&y=1.90&cropw=100.00&croph=85.51&width=960&height=548&format=jpg)
— Vi
ønskjer å bidra til å utdanne og gi formell kompetanse til lærarar i sør- og
lulesamisk.
Det seier koordinator for sørsamiske utdanningar ved Nord universitet, Inger Johansen.
I ein nyheitsartikkel på Nord universitets nettside kjem det fram at Nord universitet og Uit Noregs arktiske universitet frå hausten av skal samarbeide om eit nytt masterprogram i samisk språk- og litteraturvitskap spesielt tilpassa for sør- og lulesamiske studentar.
Samlingsbasert
Dette er første gong at det blir oppretta eit masterprogram spesielt tilpassa for sør- og lulesamiske studentar. Tilbodet føreset at nok studentar søker seg inn på programmet, som har søknadsfrist 15. april.
Undervisninga er samlingsbasert, med fysiske samlingar i Levanger i tillegg til digitale samlingar.
— Vi vil bygge opp eit fagmiljø innafor samisk språk og litteraturvitskap. For å gjera dette er det særs viktig at det finst eit tilbod om master både i sør- og lulesamisk, og planen på sikt er å få på plass eit permanent tilbod, seier Inger Johansen.
Rekruttering
Sidan undervisningsspråket i det ordinære masterprogrammet er nordsamisk, vil det nødvendigvis minske moglegheitene for sørsamiske studentar.
På det nye og tilpassa studiet blir undervisningsspråket norsk, men med seminar på sør- og lulesamisk, informerer Nord universitet.
Professor i samisk språkvitskap ved UiT, Lene Antonsen, uttalar at det er eit enormt behov for kvalifiserte fagfolk med kunnskap og kompetanse innan sør- og lulesamisk språk.
— Masterkandidatar kan rekrutterast til undervisningsstillingar både ved universitet og i vidaregåande skule, samt til forskarstillingar på universitet, seier ho.
Nyeste artikler
Botanikarar vil luke ut krenkande plantenamn
Spionsiktet ville ha møte med departement for pengestøtte
Strümke: «KI vil gjere dei dårlege dårlegare og dei gode betre»
Høysesong for opptak. Disse studentene bruker sommeren på søkerne
NMBU-rektor støtter dekanen som har forventning om 25 prosent inntjening av lønn
Mest lest
Her er Nordens beste universitet
Kjerkolifiseringen av norske universiteter må stanses
Nynorskbastion får tyn. «Åtte språkfeil på tre setningar»
Mange blir mer sårbare med ny finansiering. Hvordan skal utslagene fordeles?
Dro inn 150 millioner i 2023 på studenter som henne