Legg seg flat etter vits i 17. maiavis
Reagerer. HVL-rektor Berit Rokne reagerer sterkt etter at studentar ved høgskulen presenterte ein usmakleg vits i årets 17. maiavis.
OBS! Denne artikkelen er mer enn tre år gammel, og kan inneholde utdatert informasjon.
TVIST-dotten er ei satirisk avis som heilt sidan 1936 har vorte gitt ut 17. mai i Bergen. Det er Bergen Teknikersamfund (BTS), ein studentorganisasjon ved Høgskulen på Vestlandet (HVL), som gir ut avisa.
Det er ei heilt uakseptabel form for humor.
Berit Rokne
I år var det fleire som reagerte kraftig på innhaldet, melder NRK Hordaland. Ein av vitsane handlar om valdtekt av ei døvstum jente.
HVL-rektor Berit Rokne reagerer sterkt.
— Det er ei heilt uakseptabel form for humor og vil verta tatt opp med BTS. Eg kjem sjølvsagt til å følgja dette opp, seier Rokne til NRK.
Erik Næsgaard, som er leiar i 17. maikomiteen i Bergen, reagerer òg, og seier at dette er langt over streken.
Redaktøren for TVIST-dotten seier til NRK at redaksjonen legg seg paddeflate, og forklarar dette med svikt i rutinane.
— Her har det kome noko på trykk som aldri skulle vore på trykk, seier han.
Logg inn med en Google-konto, eller ved å opprette en Commento-konto gjennom å trykke på Login under. (Det kan være behov for å oppdatere siden når man logger inn første gang)
Vi modererer debatten i etterkant og alle innlegg må signeres med fullt navn. Se Khronos debattregler her. God debatt!