Lise Kulbrandstad ny styreleiar
Departementet har valt Lise Iversen Kulbrandstad som ny styreleiar i NOKUT.
OBS! Denne artikkelen er mer enn tre år gammel, og kan inneholde utdatert informasjon.
Lise Iversen Kulbrandstad er professor i norskdidaktikk ved Avdeling for lærarutdanning og naturvitskap ved Høgskolen i Hedmark og har også ein professor II-stilling ved Karlstads universitet.
— Kulbrandstad er ein dyktig og erfaren leiar som kjenner utfordringane i sektoren godt, det er ei erfaring som vil kome godt med som styreleiaren til NOKUT, seier kunnskapsminister Torbjørn Røe Isaksen i ei pressemelding om NOKUT - Nasjonalt organ for kvalitet i utdanninga.
Kulbrandstad har tidlegare vore rektor ved Høgskolen i Hedmark, og ho er også medlem av ekspertutvalet kunnskapsministeren har valt for å utgreie lærarrolla. I 2015 leia ho rammeplanutvalet, som arbeidde med å utvikle forslag til rammeplanar for femårige, integrerte grunnskolelærarutdanningar på masternivå. I perioden 2011-2015 var ho nestleiar i Universitets- og høgskolerådet (UHR).
Oppnemninga av Kulbrandstad gjeld for fire år og ho tiltrer 1. januar 2017.
Styret består forutan styreleiar av:
- Jan I. Haaland, professor, NHH
- Jon Erik Svendsen, Dean Bachelor, Handelshøyskolen BI
- Inger Lise Blyverket, leier for arbeidslivspolitikk, Virke
- Svein Harald Larsen, fagsjef utdanning, Utdanning og rekruttering, Norsk Teknologi
- Stina Vrang Elias, administrerande direktør, Tænketanken DEA & Danish Society for Education and Business (DSEB)
Det skal også bli peika ut representantar til styret frå studentorganisasjonane og dei tilsette.
Logg inn med en Google-konto, eller ved å opprette en Commento-konto gjennom å trykke på Login under. (Det kan være behov for å oppdatere siden når man logger inn første gang)
Vi modererer debatten i etterkant og alle innlegg må signeres med fullt navn. Se Khronos debattregler her. God debatt!