Bjørn Tore Gjertsen tek over som forskingsdirektør ved Helse Bergen frå 1. november. Foto: Kathrine Sunde, Haukeland Universitetssjukehus

Ny forskingsdirektør i Helse Bergen

Professor på Universitetet i Bergen, Bjørn Tore Gjertsen, blir ny forskingsdirektør i Helse Bergen.

Publisert Oppdatert

OBS! Denne artikkelen er mer enn tre år gammel, og kan inneholde utdatert informasjon.

Bjørn Tore Gjertsen er i dag professor ved Klinisk institutt 2 på Universitetet i Bergen (UiB), og overlege ved Seksjon for forsking og innovasjon (Seksjon for blodsjukdommar). Han er også prosjektleiar og forskar ved Centre for Cancer Biomarkers (CCBIO) ved UiB, skriv På Høyden.

Frå 1. november går han inn i rolla som forskingsdirektør i Helse Bergen. 

— Haukeland universitetssjukehus har eit sterkt og aktivt forskings- og innovasjonsmiljø. I rolla som forskingsdirektør får eg vere med på å leie og utvikle regionsjukehuset mot framtida, og det synast eg er spennande. Eg ønskjer å halde fram det gode arbeidet som vi allereie gjer og bidra til å auke kvaliteten ytterlegare, seier han til Helse Bergen. 

Ønsker fleire studiar med pasientar

I rolla som forskingsdirektør får eg vere med på å leie og utvikle regionsjukehuset mot framtida, og det synast eg er spennande

Bjørn Tore Gjertsen

Som forskingsdirektør vil Gjertsen i Seksjon for forsking og innovasjon vera leiar for 40 medarbeidarar.

— Eg trur kjernen til god leiing er å gi rom for utvikling, kreativitet og ha fokus på kvalitet. Det håper eg å motivere for som leiar. I tillegg er det viktig å kjenne behovet i befolkninga – det er det som seier noko om korleis vi skal satse. Det er det vi må ha som kompass. Eg ønskjer meg derfor fleire pasientar inn i kliniske studiar, seier Gjertsen.

Velkommen til vårt kommentarfelt
Logg inn med en Google-konto, eller ved å opprette en Commento-konto gjennom å trykke på Login under. (Det kan være behov for å oppdatere siden når man logger inn første gang)

Vi modererer debatten i etterkant og alle innlegg må signeres med fullt navn. Se Khronos debattregler her. God debatt!
Powered by Labrador CMS